Sveitarstjórn Sveitarfélagins Skagafjarðar

Fundargerð 651. fundar byggðarráðs lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 652. fundar byggðarráðs lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Gréta Sjöfn Guðmundsdóttir, Sigríður Magnúsdóttir, Bjarni Jónsson með leyfi varaforseta, Jón Magnússon, Sigurjón Þórðarson, Þórdís Friðbjörnsdóttir kvöddu sér hljóðs.

Fundargerð 653. fundar byggðarráðs lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Sigurjón Þórðarson, Gréta Sjöfn Guðmundsdóttir, Bjarni Jónsson með leyfi forseta, Sigurjón Þórðarson, Viggó Jónsson og Gréta Sjöfn Guðmundsdóttir, kvaddi sér hljóðs.

Fundargerð 654. fundar byggðarráðs lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Gréta Sjöfn Guðmundsdóttir, Jón Magnússon og Sigurjón Þórðarson kvöddu sér hljóðs.

Fundargerð 655. fundar byggðarráðs lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Sigurjón Þórðarson, Gréta Sjöfn Guðmundsdóttir, Jón Magnússon, Sigurjón Þórðarson, Viggó Jónsson Gréta Sjöfn Guðmundsdóttir, Jón Magnússon, Sigurjón Þórðarson, Viggó Jónsson, Gréta Sjöfn Guðmundsdóttir, Jón Magnússon, og Sigurjón Þórðarson kvöddu sér hljóðs.

Fundargerð 5. fundar atvinnu- menningar og kynningarnefndar lögð fram til afgreiðslu á 312. fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.

Fundargerð 205. fundar félags- og tómstundanefndar lögð fram til afgreiðslu á 312. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Enginn kvaddi sér hljóðs.

Fundargerð 93. fundar fræðslunefndar lögð fram til afgreiðslu á 312. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Gréta Sjöfn Guðmundsdóttir kvaddi sér hljóðs.

Fundargerð 254. fundar skipulags- og byggingarnefndar lögð fram til afgreiðslu á 312. fundi sveitarstjórnar eins og einstök erindi bera með sér. Viggó Jónsson kynnti fundargerð. Jón Magnússon og Viggó Jónsson kvaddi sér hljóðs.

Fundargerð 255. fundar skipulags- og byggingarnefndar lögð fram til afgreiðslu á 312. fundi sveitarstjórnar eins og einstök erindi bera með sér. Viggó Jónsson kynnti fundargerð. Jón Magnússon, Viggó Jónsson, Þórdís Friðbjörnsdóttir og Viggó Jónsson kvöddu sér hljóðs.

Fundargerð 95. fundar umhverfis- og samgöngunefndar lögð fram til afgreiðslu á 312. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Gréta Sjöfn Guðmundsdóttir, Sigurjón Þórðarson, Sigríður Magnúsdóttir og Bjarni Jónsson með leyfi varaforseta, kvöddu sér hljóðs.

Fundargerð 5. fundar veitunefndar lögð fram til afgreiðslu á 312. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 24. fundar Samstarfsnefndar með Akrahreppi lögð fram til afgreiðslu á 312. fundi sveitarstjórnar eins og einstök erindi bera með sér. Sigríður Svavarsdóttir kynnti fundargerð. Enginn kvaddi sér hljóðs.

Fundargerð 25. fundar Samstarfsnefndar með Akrahreppi lögð fram til afgreiðslu á 312. fundi sveitarstjórnar eins og einstök erindi bera með sér. Sigríður Svavarsdóttir kynnti fundargerð. Gréta Sjöfn Guðmundsdóttir og Sigurjón Þórðarson kvöddu sér hljóðs.

Vísað frá 95. fundi umhverfis- og samgöngunefndar frá 26. febrúar 2014, til samþykktar í sveitarstjórn.

GJALDSKRÁ fyrir fráveitugjald og tæmingu rotþróa í Sveitarfélaginu Skagafirði.

1. gr. Sveitarfélagið Skagafjörður innheimtir gjald fyrir fráveitu og hreinsun rotþróa í sveitarfélaginu skv. gjaldskrá þessari, sbr. II. kafla í samþykkt nr. 249/2005 um fráveitur í Sveitarfélaginu Skagafirði.

2. gr. Álagningarstofn fráveitugjalds skal vera fasteignamat húsa, mannvirkja, lóða og landa,samkvæmt lögum um skráningu og mat fasteigna nr. 6/2001, með síðari breytingum. Fráveitugjald skal nema 0,275% af álagningarstofni. Sé ekkert mannvirki á lóð greiðistekki fráveitugjald. Gjalddagar fráveitugjalds skulu vera þeir sömu og sveitarstjórn ákveður fyrir fasteignaskatt og skal innheimtu þess hagað á sama hátt og innheimtu fasteignaskatts.

3. gr.
Árlegt gjald fyrir tæmingu rotþróa skal vera eftirfarandi:
Stærð í lítrum. Tæmingargjald kr.
Rotþró 0-2000 27.500 " 2001-4000 31.000 " 4001-6000 34.500
Innheimta skal tæmingargjald eftir að tæming hefur farið fram.
Gjald fyrir sérstaka þjónustu: Tæmingargjald fyrir rotþró sem er stærri en 6001 lítri skal vera 3.800 kr./m³ fyrir hverja losun.
Fjárhæð tæmingargjalds miðast við að hreinsibíll þurfi ekki að nota barka sem er lengri en 50 m, en sé það nauðsynlegt skal húseigandi greiða aukalega 4.300 kr. á hverja losun. Sé ekki hægt að tæma rotþró í reglubundinni yfirferð og því þurfi að fara aukaferð, skal húseigandi greiða fullt tæmingargjald auk aukagjalds sem nemur 50% af tæmingargjaldi. Ef húseigandi óskar eftir aukatæmingu á rotþró skal hann greiða sem nemur einu og hálfu tæmingargjaldi fyrir þá losun.

4. gr. Gjöld skv. gjaldskrá þessari má taka lögtaki og má gera lögtak í hinni skattskyldu eign án tillits til eigendaskipta. Njóta gjöldin lögveðréttar í lóð og mannvirkjum næstu tvö ár eftir gjalddaga með forgangsrétti fyrir hverskonar samningsveði og aðfararveði.

5. gr. Gjaldskrá þessi er samþykkt af sveitarstjórn Sveitarfélagsins Skagafjarðar xx. mars 2014 og staðfestist hér með, samkvæmt lögum um uppbyggingu og rekstur fráveitna nr. 9/2009, 25. gr. laga um hollustuhætti og mengunarvarnir nr. 7/1998 með síðari breytingum og 11. gr. laga um meðhöndlun úrgangs nr. 55/2003.

Gjaldskrá þessi öðlast þegar gildi. Jafnframt fellur úr gildi gjaldskrá sama efnis nr.1069/2006. Samþykkt af Heilbrigðiseftirliti Norðurlands vestra 7. janúar 2014

Endurskoðuð gjaldskár fyrir fráveitu og tæmingu rótþróa í Sveitarfélaginu Skagafirði borin undir atkvæði og samþykkt með níu atkvæðum.

Lagður fram tölvupóstur dags. 18. mars 2014 frá Svanhildi Hörpu Kristinsdóttur fulltrúa VG, þar sem hún
óskar eftir áframhaldandi leyfi frá öllum nefndarstörfum fyrir Sveitafélagið Skagafjörð til loka kjörtímabils, vegna starfa utan héraðs.

Borið undir atkvæði og samþykkt með níu greiddum atkvæðum.

Sveitarstjórn þakkar henni störf í þágu sveitarfélagins.

Forseti gerir tillögu um Sigurlaugu K. Konráðsdóttur sem aðalmann í umhverfis- og samgöngunefnd og Arnþrúði Heimisdóttur sem varamann.
Björgu Baldursdóttur sem varamann í atvinnu og ferðamálanefnd.
Fleiri tilnefningar bárust ekki og skoðast þær því réttkjörnar.

Gréta Sjöfn Guðmundsóttir fulltrúi Samfylkingar kynnti tillöguna.

Tillaga til að vinda ofan af biðlista um leikskólapláss í Varmahlíð.
Sveitarstjórn Sveitarfélagsins Skagafjarðar samþykkir að gera átak til að vinda ofan af þeim biðlista sem nú er staðreynd við leikskólann Birkilund í Varmahlíð. Hafin verði nú þegar vinna við að finna skammtímalausn á hvimleiðum húsnæðisvanda svo hægt verð að taka inn börn af biðlista strax næsta haust. Byggðaráði er falið að vinna að málinu í nánu samstarfi við fræðslunefnd og Samstarfsnefnd Sveitarfélagsins og Akrahrepp. Haustið 2014 verði sveitarfélagið komið með skammtímalausn og biðtími foreldra á enda.

Greinargerð:
Samstarfsnefnd Sveitarfélagsins og Akrahrepps hefur unnið að lausn á húsnæðisvanda leikskólans Birkilundar í Varmahlíð undanfarið ár í samvinnu við skólastjórnendur í Varmahlíð. Fram hefur komið að langur biðlisti hefur verið undanfarin ár og nú telur hann um 10 börn. Fyrir liggur tillaga nefndarinnar að starfsemi leikskólans verði færð á neðstu hæð grunnskólans í Varmahlíð og gert var ráð fyrir þeirri breytingu í fjárhagsáætlun. Tillagan var kynnt ásamt grunnteikningu að breytingum, af samstarfsnefndinni nýlega, fyrir starfsfólk leik ? og grunnskólans ásamt foreldrum barna á leikskólaaldri. Fram kom á þeim fundi að rétt væri að skoða betur möguleika og kostnað við stækkun á núverandi húsnæði leikskólans ásamt því að nánar yrði unnið með kostnaðarmat á breytingum á húsnæði grunnskólans og áhrif breytinganna á núverandi skólastarf. Samstarfsnefndin hefur nú fundað um málið og komist að þeirri niðurstöðu að vinna frekar að kostnaðarútreikningum á þeim kostum sem til greina koma. Nefndin telur ekki möguleika á að leysa úr biðlista við leikskólann nema dagforeldrar fáist til starfa á svæðinu. Sú vinna sem nefndin leggur til mun taka tíma og auglýsingar og hvatning af hálfu sveitarfélagsins um að þörf sé fyrir dagforeldra á svæðinu hafa hingað til ekki dugað. Það er því komið að því að fundin sé lausn til skamms tíma á biðlista eftir leikskólaplássi í Varmahlíð jafnhliða því að áfram verði unnið að framtíðarlausn.

Gréta Sjöfn Guðmundsdóttir, sveitarstjórnarfulltrúi Samfylkingarinnar og Sigurjón Þórðarson, sveitarstjórnarfulltrúi Frjálslyndra og óháðra.

Sigríður Svavarsdóttir lagði fram eftirfarandi bókun:

Samstarfsnefnd Sveitarfélagsins Skagafjarðar og Akrahrepps er að vinna heilshugar að lausn á húsnæðisvanda leikskólans Birkilundar í Varmahlíð. Í samstarfi við fulltrúa foreldrafélaga leik- og grunnskóla er vonast til að lausn finnist sem allra fyrst.

Sigríður Svavarsdóttir fulltrúi sjálfstæðismanna í Samstarfsnefnd Sveitarfélagsins og Akrahrepps.

Sigurjón Þórðarson kvaddi sér hljóðs, þá Jón Magnússon.

Viggó Jónsson tók til máls og gerði tillögu um að vísa tillögu Grétu Sjafnar Guðmundsdóttir og Sigurjóns Þórðarsonar til Samstarfsnefndar með Akrahreppi.

Jafnframt lagði Viggó Jónsson fram eftirfarandi bókun.

Samstarfsnefnd Sveitarfélagsins Skagafjarðar og Akrahrepps hefur unnið að úrræðum til að eyða biðlistum og leysa úr húsnæðisvanda leikskólans Birkilundar um fyrirsjáanlega framtíð. Fyrir skemmstu var haldinn ágætur fundur með foreldrum og starfsfólki grunn- og leikskóla í Varmahlíð um mögulegar lausnir og í kjölfarið hefur samstarfsnefnd í samráði við fulltrúa foreldrafélaga skólanna, samþykkt að vinna að frekari kostnaðarútreikningum á þeim kostum sem til greina koma. Samhliða hefur verið unnið að einstökum lausnum, m.a. með styrk til greiðslu aupair-starfsmanns, skoðun á svokölluðu ömmuleyfi o.fl. þar til varanlegri lausnir liggja fyrir. Gangi áætlanir eftir mun biðlisti eftir leikskólaplássi hafa minnkað um 2/3 næsta haust og jafnvel gott betur. Mikil áhersla er lögð á að þessari vinnu verði hraðað sem verða má og góðar lausnir fundnar sem allra fyrst. Bent er á að um er að ræða samstarfsverkefni tveggja sveitarfélaga og því eðlilegt að málið sé unnið og leitt af samstarfsnefnd þeirra.

Viggó Jónsson,
Þórdís Friðbjörnsdóttir,
Sigríður Magnúsdóttir,
Bjarki Tryggvason og
Bjarni Jónsson.

Gréta Sjöfn Guðmundsdóttir, Sigríður Svavarsdóttir, Sigurjón Þórðarson, Viggó Jónsson, Gréta Sjöfn Guðmundsdóttir, Bjarki Tryggvason, Þórdís Friðbjörnsdóttir, Jón Magnússon kvöddu sér hljóðs.

Tillaga Viggós Jónssonar um að vísa tillögu Grétu Sjafnar Guðmundsdóttur og Sigurjóns Þórðarsonar til Samstarfsnefndar með Akrahreppi, borin undir atkvæði, og samþykkt með sjö atkvæðum gegn tveimur.

Gréta Sjöfn Guðmundsdóttir og Sigurjón Þórðarson óska eftir að bókað verði: Hörmum að ekki sé hægt að sýna vandamálum foreldra með börn á biðlista skilning og koma á lausn haustið 2014.

Bjarki Tryggvason kvaddi sér hljóðs og ítrekar bókun Viggó Jónssonar.

Jón Magnússon kvaddi sér hljóðs og óskar bókað.
Flutningsmenn tillögunnar hafa ekki komið fram með neinar lausnir á biðlistavanda leikskólans Birkilundar í Varmahlíð.
Flutningsmenn hafa reynt með tillögunni að gera málið að pólitísku bitbeini inna sveitarstjórnar. Það er miður og ekki í þágu lausnar málsins.

Sigurjón Þórðarson tók til máls.

Sigurjón Þórðarson kynnti tillöguna.

Sigurjón Þórðarson og Gréta Sjöfn Guðmundsóttir sveitarstjórnarfulltrúar, leggja fram eftirfarandi tillögu að ályktun:

Ályktun til ríkisstjórnar Íslands.

Sveitarstjórn Sveitarfélagsins Skagafjarðar skorar á ríkisstjórn Íslands að fara að óskum sjómanna og hætta við boðaða skerðingu veiðidaga á grásleppu sbr. reglugerð 72/2014, úr 32 dögum sem var í fyrra og í 20 daga.

Greinargerð:

Fækkun veiðidaga á grásleppu veldur mikilli óvissu um framtíðarrekstraröryggi smábáta. Útgerð smábáta hefur skipt umtalsverðu máli fyrir atvinnulíf Skagafjarðar og víst er að það gæti veri mun meira ef aukið frelsi væri innleitt í greinina. Hætt er við að fækkun veiðidaga valdi ekki einungis samdrætti á afla heldur hvetji til þess að sjómenn sæki frekar sjó við erfiðari aðstæður en ef tímabilið væri lengra. Ljóst er að viku ótíð á því 20 daga tímabili sem sjávarútvegsráðherra hefur skammtað, getur augljóslega haft alvarlegar afleiðingar á afkomu útgerða.

Sigurjón Þórðarson, sveitarstjórnarfulltrúi Frjálslyndra og óháðra og Gréta Sjöfn Guðmundsdóttir, sveitarstjórnarfulltrúi Samfylkingarinnar.

Viggó Jónsson kvaddi sér hljóðs og lagði fram eftirfarandi breytingartillögu.

Sveitarstjórn Sveitarfélagsins Skagafjarðar hvetur sjávarútvegsráðherra til að gæta að sjónarmiðum sjómanna og vistfræðilegum rökum hvað varðar skerðingu veiðidaga á grásleppu sbr. reglugerð 72/2014 og áhrifin sem það hefur á afkomu útgerða. Margt bendir til að allt of langt sé gengið með boðaðri skerðingu á veiðidaga grásleppu úr 32 dögum sem var í fyrra og í 20 daga. Einnig er mikilvægt að gæta að því að veiðitímabil sé ekki skert þannig að sjómenn nái að nýta útgefna veiðidaga, en veðurfar hefur oft valdið verulegum vandkvæðum og komið í veg fyrir að það náist.

Sigurjón Þórðarson tók til máls, þá Gréta Sjöfn Guðmundsdóttir, Jón Magnússon, Sigurjón Þórðarson, Jón Magnússon, Viggó Jónsson.

Tillagan frá Grétu Sjöfn Guðmundsdóttur og Sigurjóni Þórðarsyni borin undir atkvæði og felld með sex atkvæðum gegn tveimur, Bjarni Jónsson sat hjá og gerir grein fyrir atkvæði sínu, með leyfi forseta.

Breytingartillaga Viggós Jónssonar borin undir atkvæði og samþykkt með níu atkvæðum.

Fundargerð 54. fundar stjórnar Norðurár bs. frá 26. febrúar 2014 lögð fram til kynningar á 312. fundi sveitarstjórnar 20. mars 2014

Fundagerðir undirbúningsstjórnar um nýtt byggðasamlag um málefni fatlaðs fólks frá 5. og 9. desember 2013, og 7. 10. 27. og 29. janúar 2014 lagðar fram til kynningar. Jafnframt eru fundargerðir frá stofnfundi Róta bs. og fundargerð 1. stjórnarfundar Róta bs. lagðar fram til kynningar á 312. fundi sveitarstjórnar 20. mars 2014

Fundargerð Heilbrigðiseftirlits Norðurlands vestra frá 20. febrúar 2014 lögð fram til kynningar á 312. fundi sveitarstjórnar 20. mars 2014

Fundargerðir stjórnar Sambands íslenskra sveitarfélaga frá 31. janúar og 28. febrúar 2014 lagðar fram til kynningar á 312. fundi sveitarstjórnar þann 20. mars 2014