Fréttir

Skipulags- og byggingarfulltrúi auglýsir til kynningar skipulagslýsingu vegna gerðar deiliskipulags jarðarinnar Merkigarðs í Tungusveit. Skipulagslýsingin liggur frammi í ráðhúsi sveitarfélagsins við Skagfirðingabraut og hér á heimasíðunni.

Sveitarfélagið Skagafjörður auglýsir lausa stöðu vaktstjóra við Sundlaugina á Hofsósi. Vaktsjóri stýrir daglegu starfi sundlaugarinnar og skipuleggur störf og vaktir starfsmanna. Hann ber ábyrgð á skilum á skýrslum og uppgjöri og annast samskipti við aðra starfsmenn sveitarfélagsins eftir atvikum.

Á morgun, laugardaginn 1. júlí, verður opnuð myndlistarsýningin Fyrsta Umhverfing í Safnahúsinu og Heilbrigðisstofnun Norðurlands á Sauðárkróki.

Leikskólinn Ársalir auglýsir sex störf leikskólakennara laus til umsóknar. Um er að ræða fimm störf í 100% starfshlutfalli og eitt starf í 50% starfshlutfalli. Umsóknarfrestur er til og með 12. júlí nk.

Sumarleyfi sveitarstjórnar Sveitarfélagsins Skagafjarðar hefst 29. júní og lýkur 7.ágúst 2017

Leikhópurinn Lotta setur upp ævintýri um Ljóta andarungann í Litla skógi, fimmtudaginn 29. júní nk. Sýningin hefst kl. 18:00. Inn í söguna blandast fjögur önnur ævintýri sem flestir kannast við.

Fundur verður haldinn í Sveitarstjórn Sveitarfélagsins Skagafjarðar miðvikudaginn 28. júní að Sæmundargötu 7a.

Tónlistarhátíðin Drangey Music Festival - þar sem vegurinn endar verður nú haldin í þriðja sinn á Reykjum á Reykjaströnd laugardaginn 24. júní. Svæðið opnar kl 18 en dagskráin hefst kl 20:30 og er frítt inn fyrir börn yngri en14 ára í fylgd forráðamanna.

Á fundi byggðarráðs Sveitarfélagsins Skagafjarðar sl. fimmtudag var rætt um sameiningu Sveitarfélagsins Skagafjarðar og Skagabyggðar en sveitarfélögin hafa nú sammælst um að hefja formlegar viðræður um kosti þess að sameinast. Undir þessum dagskrárlið sat Vignir Sveinsson oddviti Skagabyggðar fundinn.