Sveitarstjórn Sveitarfélagins Skagafjarðar

Málsnúmer 2204009FVakta málsnúmer

• 1.1 2204074 Fundarherferð Öryrkjabandalagsins
  Byggðarráð Skagafjarðar - 1011 Lagður fram tölvupóstur frá Öryrkjabandalagi Íslands, dagsettur 8. apríl 2022, þar sem bandalagið vekur athygli á opnum fundi með forystu ÖBÍ og Þroskahjálpar og frambjóðendum til sveitarstjórnar í Skagafirði. Fundurinn verður haldinn á KK restaurant miðvikudaginn 4. maí n.k. Bókun fundar Afgreiðsla 1011. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 1.2 2204059 Aðalfundur Norðurár
  Byggðarráð Skagafjarðar - 1011 Lagt fram aðalfundarboð Norðurár bs. vegna aðalfundar þann 20. apríl 2022.
  Byggðarráð samþykkir að sveitarstjóri verði fulltrúi sveitarfélagsins á fundinum og fari með atkvæðisrétt þess. Bókun fundar Afgreiðsla 1011. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 1.3 2204016 Íþróttahús, Skagf.braut - Umsagnarbeiðni, tækifærisleyfi
  Byggðarráð Skagafjarðar - 1011 Lagt fram bréf frá sýslumannsembættinu á Norðurlandi vestra, mál 2022-010445, dagsett 4. apríl 2022. Óskað er eftir umsögn um umsókn Körfuknattleiksdeildar Tindastóls, kt. 690390-1169, um tækifærisleyfi vegna Páskaskemmtunar Tindastóls í Íþróttahúsinu á Sauðárkróki þann 16. apríl 2022.
  Byggðarráð gerir ekki athugasemdir við umsóknina. Bókun fundar Afgreiðsla 1011. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 1.4 2204052 Umsagnarbeiðni um tækifærisleyfi v. vorfagnaðar í Árgarði
  Byggðarráð Skagafjarðar - 1011 Lagt fram bréf frá sýslumannsembættinu á Norðurlandi vestra, mál 2022-010778, dagsett 6. apríl 2022. Óskað er eftir umsögn um umsókn Friðriks Rúnars Friðrikssonar um tækifærisleyfi vegna Vorfagnaðar í Árgarði þann 30. apríl 2022.
  Byggðarráð gerir ekki athugasemdir við umsóknina. Bókun fundar Afgreiðsla 1011. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 1.5 2203138 Reglur um frístundaþjónustu fyrir fötluð börn
  Byggðarráð Skagafjarðar - 1011 Reglur Sveitarfélagsins Skagafjarðar um framkvæmd frístundaþjónustu við fötluð börn lagðar fram. Reglur þessar byggja á lögum nr. 38/2018 um þjónustu við fatlað fólk með langvarandi stuðningsþarfir og leiðbeiningum félagsmálaráðuneytisins frá 20. desember 2019 um framkvæmd frístundaþjónustu. Einnig lagðar fram bókanir félags- og tómstundanefndar frá 300. fundi þann 10. mars 2022 og 178. fundi fræðslunefndar þann 30. mars 2022.
  Byggðarráð samþykkir reglurnar og vísar þeim til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til sérliðar, Reglur um frístundaþjónustu fyrir fötluð börn. Samþykkt samhljóða.
• 1.6 2204037 Samráð; Frumvarp til laga um breytingu á lagaákvæðum vegna tilfærslu Þjóðskrár Ísl til HMS (Fasteignaskrá)
  Byggðarráð Skagafjarðar - 1011 Lagður fram tölvupóstur dagsettur 4. apríl 2022 frá innviðaráðuneyti. Innviðaráðuneytið birtir í samráðsgátt, til umsagnar, drög að frumvarpi til laga um breytingu á ýmsum lagaákvæðum vegna tilfærslu fasteignaskrár frá Þjóðskrá Íslands til Húsnæðis- og mannvirkjastofnunar.
  Umsagnarfrestur er 01.04.2022-11.04.2022. Umsagnir verða birtar jafnóðum og þær berast.
  Byggðarráð fagnar þeim breytingum sem frumvarpsdrögin gera ráð fyrir. Bókun fundar Afgreiðsla 1011. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.

Málsnúmer 2204014FVakta málsnúmer

• 2.1 2203067 Samþykkt um stjórn og fundarsköp, breytingar 2022
  Byggðarráð Skagafjarðar - 1012 Lögð fram drög að uppfærðri samþykkt um stjórn Sveitarfélagsins Skagafjarðar. Sesselja Árnadóttir lögfræðingur hjá KPMG tók þátt í fundinum undir þessum dagskrárlið með fjarfundabúnaði.
  Byggðarráð samþykkir að vísa samþykktinni með áorðnum breytingum til fyrri umræðu í sveitarstjórn. Bókun fundar Forseti gerir tillögu um að vísa afgreiðslu málsins til sérliðar, Samþykkt um stjórn og fundarsköp, breytingar 2022. Samþykkt samhljóða.
• 2.2 2203049 Samstarf um málefni fatlaðs fólks
  Byggðarráð Skagafjarðar - 1012 Byggðaráð hefur lýst vilja til að Sveitarfélagið Skagafjörður verði áfram leiðandi sveitarfélag í málefnum fatlaðs fólks á Norðurlandi vestra. Akrahreppur, Blönduósbær, Húnavatnshreppur, Skagabyggð og Sveitarfélagið Skagaströnd og hafa lýst vilja sínum til áframhaldandi samstarfs. Húnaþing vestra telur ekki forsendur til að taka afstöðu til málsins fyrr en vinnu þess hvað varðar skipulag málaflokks m.t.t. Húnaþings vestra liggur fyrir. Núverandi samstarfssamningur rann út 28. febrúar sl. eins og legið hefur fyrir frá undirritun hans 22. mars 2021.
  Byggðarráð Sveitarfélagsins Skagafjarðar samþykkir að fela sveitarstjóra að senda drög að endurnýjuðum samningi á önnur sveitarfélög í Austur-Húnavatnssýslu og Skagafirði, með lengri gildistíma en í fyrri samningi, eins og ákall er uppi um. Jafnframt að senda Húnaþingi vestra boð þess efnis að kjósi sveitarfélagið að halda áfram samstarfi við önnur sveitarfélög á Norðurlandi vestra, eftir að vinnu Húnaþings vestra hvað varðar skipulag málaflokksins er lokið. Yrði það gert með sérstökum viðauka við samning hinna sveitarfélaganna á svæðinu. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.3 2109290 Tillaga - þarfagreining og hönnun á nýjum leikskóla á Sauðárkróki
  Byggðarráð Skagafjarðar - 1012 Umræður fóru fram um þörf á byggingu á nýjum leikskóla á Sauðárkróki, staðarval, fólksfjölgun o.s.frv.
  Byggðarráð samþykkir að vísa málinu til umfjöllunar í fræðslunefnd. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.4 2203233 Verðmat íbúðarhúss á Sólgörðum
  Byggðarráð Skagafjarðar - 1012 Í fjárhagsáætlun ársins 2022 er gert ráð fyrir að íbúðarhús að Sólgörðum í Fljótum, F2143858, verði selt. Samkvæmt reglum sveitarfélagsins fær leigjandi fasteignarinnar að gera kauptilboð í eignina áður en hún verður sett í almenna sölu.
  Byggðarráð samþykkir að gefa leigjanda fasteignarinnar kost á því að nýta forkaupsrétt sinn. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.5 2204120 Aðalfundur Eyvindarstaðaheiðar ehf.
  Byggðarráð Skagafjarðar - 1012 Lagt fram fundarboð vegna aðalfundar Eyvindarstaðaheiðar ehf. þann 27. apríl 2022.
  Byggðarráð samþykkir að sveitarstjóri fari með atkvæðisrétt sveitarfélagsins á fundinum. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.6 2204097 Afgreiðsla tækifærisleyfa
  Byggðarráð Skagafjarðar - 1012 Byggðarráð Sveitarfélagsins Skagafjarðar samþykkir að gefa sveitarstjóra og staðgengli hans fullnaðarheimild til þess að afgreiða umsóknir um tækifærisleyfi fyrir hönd sveitarfélagsins. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.7 2009236 Lóðamál - Úthlutunarreglur - Reglur um úthlutun lóða
  Byggðarráð Skagafjarðar - 1012 Lögð fram drög að reglum um úthlutun byggingarlóða í Sveitarfélaginu Skagafirði.
  Byggðarráð samþykkir að vísa reglum um úthlutun byggingarlóða í Sveitarfélaginu Skagafirði til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til sérliðar, Lóðamál - Úthlutunarreglur - Reglur um úthlutun lóða. Samþykkt samhljóða.
• 2.8 2204098 Samráð; Grænbók um mannréttindi
  Byggðarráð Skagafjarðar - 1012 Lagður fram tölvupóstur dagsettur 12. apríl 2022 frá forsætisráðuneytinu. Tilkynnt er um að umsagnarfrestur í Samráðsgátt, mál nr. 74/2022, "Grænbók um mannréttindi", hafi verið framlengdur til 1. maí 2022. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 2.9 2204099 Samráð; Viltu taka þátt í að einfalda regluverk og bæta þjónustu hins opinbera
  Byggðarráð Skagafjarðar - 1012 Lagður fram tölvupóstur úr Samráðsgátt, dagsettur 12. apríl 2022, þar sem innviðaráðuneytið kynnir til samráðs mál nr. 79/2022, "Viltu taka þátt í að einfalda regluverk og bæta þjónustu hins opinbera?". Umsagnarfrestur er til og með 06.05.2022. Bókun fundar Afgreiðsla 1012. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.

Málsnúmer 2205001FVakta málsnúmer

• 3.1 2204079 Miðbæjarkjarni á Sauðárkróki
  Byggðarráð Skagafjarðar - 1013 Lögð fram svo hljóðandi bókun 190. fundar umhverfis- og samgöngunefndar þann 13. apríl 2022:
  "Tillaga umhverfis- og samgöngunefndar varðandi miðbæjarkjarna á Sauðárkróki. Umhverfis- og samgöngunefnd leggur til að hafin verði hugmyndavinna að skipulagi og hönnun miðbæjarsvæðis á Sauðárkróki. Í nýju Aðalskipulagi Sveitarfélagsins Skagafjarðar eru þrjú miðsvæði nefnd en það hefur verið nokkuð óljóst hvar íbúar telji miðbæinn sinn vera. Nefndin telur að skilgreina þurfi svæði í skipulagi sem sérstakan miðbæjarkjarna með það að markmiði að byggja upp miðbæjarumhverfi sem er sýnilegt og hefur aðdráttarafl fyrir íbúa og gesti sem heimsækja okkur og er um leið spennandi tækifæri fyrir fjárfesta. Í vinnunni verði leitað eftir hugmyndum og tillögum í samráði við íbúa, atvinnulíf og félagasamtök.
  Umhverfis- og samgöngunefnd samþykkir að vísa tillögunni til byggðarráðs til umfjöllunar."
  Byggðarráð fagnar og samþykkir framkomna tillögu og vísar henni til umræðu í skipulags- og byggingarnefnd. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 3.2 2203144 Stjórnsýsluskoðun Sveitarfélagsins Skagafjarðar 2021
  Byggðarráð Skagafjarðar - 1013 Lögð fram skýrsla KPMG frá 28. apríl 2022 varðandi stjórsýsluskoðun hjá sveitarfélaginu vegna ársins 2021. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 3.3 2107076 Beitarhólf Ártúnum
  Byggðarráð Skagafjarðar - 1013 Sveitarfélagið auglýsti beitarland til leigu í landi Ártúna sunnan Hofsóss. Á dagskrá er að úthluta gamla túninu vestan Siglufjarðarvegar og sunnan Hofsóssbrautar, 2,4ha. Ein umsókn barst um spilduna frá Rúnari Þór Númasyni.
  Byggðarráð samþykkir að landið verði eingöngu leigt til slægna, en ekki beitar eins og auglýst var.
  Byggðarráð samþykkir að fela Kára Gunnarssyni umhverfis- og landbúnaðarfulltrúa að bjóða umsækjanda landið til leigu með þessum breyttu forsendum. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 3.4 2204123 Aðalgata 20b - umsagnarbeiðni vegna rekstrarleyfis
  Byggðarráð Skagafjarðar - 1013 Lagt fram bréf dagsett 20. apríl 2022 frá sýslumannsembættinu á Norðurlandi vestra varðandi umsögn um umsókn Skala 20 ehf., kt. 491020-0590 um rekstrarleyfi, Veitingaleyfi - A Veitingahús, að Aðalgötu 20b, F2131143, Sauðárkróki. Málsnúmer embættisins er 2022-012560.
  Byggðarráð gerir ekki athugasemdir við umsóknina. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 3.5 2204200 Umsagnarbeiðni; Frumvarp til laga um niðurgreiðslu húshitunarkostnaðar (umhverfisvæn orkuöflun)
  Byggðarráð Skagafjarðar - 1013 Lagður fram tölvupóstur dagsettur 29. apríl 2022 frá nefndasviði Alþingis þar sem atvinnuveganefnd Alþingis sendir til umsagnar frumvarp til laga um niðurgreiðslu húshitunarkostnaðar (umhverfisvæn orkuöflun), 582. mál. Þess er óskað að undirrituð umsögn berist eigi síðar en 13. maí 2022.
  Byggðarráð fagnar framkomnu frumvarpi og styður framgang þess. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.
• 3.6 2204142 Þemavika almannavarna 28. apríl-5. maí
  Byggðarráð Skagafjarðar - 1013 Lagður fram til kynningar tölvupóstur dagsettur 22. apríl 2022 frá Almannavörnum varðandi Þemaviku Almannavarna tímabilið 28. apríl til 5. maí 2022. Bókun fundar Afgreiðsla 1013. fundar byggðarráðs staðfest á 424. fundi sveitarstjórnar 4. maí 2022 með níu atkvæðum.

Málsnúmer 2204010FVakta málsnúmer

• 4.1 2204061 Samfélagsverðlaun Skagafjarðar 2022
  Atvinnu-, menningar- og kynningarnefnd - 98 Á setningu Sæluviku Skagfirðinga 2022 verða í sjöunda sinn veitt Samfélagsverðlaun Skagafjarðar. Verðlaunin eru veitt árlega þeim einstaklingi, fyrirtæki, stofnun eða félagasamtökum í Sveitarfélaginu Skagafirði sem þykja standa sig afburða vel í að efla skagfirskt samfélag.
  Atvinnu-, menningar- og kynningarnefnd bárust fjölmargar og afar góðar tilnefningar til Samfélagsverðlauna Skagafjarðar. Nefndin samþykkir að veita Helgu Bjarnadóttur Samfélagsverðlaun Skagafjarðar 2022. Helga hefur á langri ævi komið að fjölmörgum verkum sem hafa markað samfélag Skagafjarðar með jákvæðum hætti. Í nærri aldarfjórðung hefur hún, hálfsmánaðarlega yfir vetrartímann, staðið fyrir samkomum fyrir eldri borgara á Löngumýri, lengst af með nágrannakonu sinni Indu í Lauftúni. Helga hefur verið driffjöðrin í gönguhópi í Varmahlíð um langa hríð, staðið fyrir bókaútgáfu, verið meginstoð í Kvenfélagasambandi Skagafjarðar og svo mætti telja. Hún hefur um árabil séð um blómagarðinn á Löngumýri og fer gjarnan samhliða í garðverk til nágranna sinna sem eiga erfitt með slíkt. Heimsóknir til dægrastyttingar einbúum eru reglubundinn þáttur og ávallt er hún boðin og búin að rétta hjálparhönd stórum sem smáum. Hún á að baki farsælan feril sem barnakennari og skólastjóri og hafði einstaklega góð og mótandi áhrif á nemendur sína. Helga Bjarnadóttir er sannarlega verðugur handhafi Samfélagsverðlauna Skagafjarðar. Bókun fundar Afgreiðsla 98. fundar atvinnu- menningar- og kynningarnefndar staðfest á 424. fundi sveitarstjórnar 4. maí 2022 með níu atkvæðum.
• 4.2 2204078 Reglur um Byggðakvóta
  Atvinnu-, menningar- og kynningarnefnd - 98 Sveitarfélagið Skagafjörður sótti um breytingar á reglum um byggðakvóta fyrir fiskveiðiárið 2021/2022 líkt og undanfarin ár. Markmið með breytingunum var að fiskiskipum sé heimilt að landa afla sínum hvar sem er innan sveitarfélagsins. Fengust breytingar á reglugerðinni og er ákvæði 1. málsl. 1.mgr. 6.gr. reglugerðarinnar nú: "Fiskiskipum er skylt að landa þeim afla sem telja á til byggðakvóta innan sveitarfélagsins". Komið hefur í ljós að úthlutun byggðakvóta er ekki í samræmi við ætlun sveitarfélagsins um að heimilt sé að landa afla hvar sem er innan sveitarfélagsins. Ljóst er að einnig þarf að breyta orðalagi í 4. gr. reglugerðar um úthlutun byggðakvóta þar sem orðið byggðarlag verður sveitarfélag fyrir næstu úthlutun. Gagnrýna má stuttan kærufrest og litlar leiðbeiningar frá Fiskistofu og ráðuneyti til umsækjenda um kvóta. Bókun fundar Afgreiðsla 98. fundar atvinnu- menningar- og kynningarnefndar staðfest á 424. fundi sveitarstjórnar 4. maí 2022 með níu atkvæðum.
• 4.3 2204087 Styrkbeiðni vegna bæjarhátíðar
  Atvinnu-, menningar- og kynningarnefnd - 98 Tekin fyrir styrkbeiðni frá Íbúasamtökunum Byggjum upp Hofsós og nágrenni, en samtökin stefna á að halda Bæjarhátíðina Hofsós Heim í sumar líkt og hefð er orðin fyrir.
  Atvinnu-, menningar- og kynningarnefnd fagnar framtakinu og samþykkir að veita styrk að upphæð 300.000 krónur.
  Auður Björk Birgisdóttir vék af fundi við afgreiðslu þessa máls. Bókun fundar Afgreiðsla 98. fundar atvinnu- menningar- og kynningarnefndar staðfest á 424. fundi sveitarstjórnar 4. maí 2022 með níu atkvæðum.

Málsnúmer 2204003FVakta málsnúmer

• 5.1 2202141 Fyrirkomulag eftirleita í Vesturfjöllum
  Landbúnaðarnefnd - 227 Málið áður á dagskrá 226. fundar landbúnaðarnefndar þann 17. mars 2022. Á fund nefndarinnar voru boðaðir fjallskilastjórar eftirtalinna fjallskiladeilda: Hegranes, Skarðsdeild, Sauðárkrókur, Staðardeild og Seyludeild úthluti. Fundinn sátu Úlfar Sveinsson, Sigurjóna Skarphéðinsdóttir, Jóhann M. Jóhannsson og Jónína Stefánsdóttir. Góðar og málefnalegar umræður fóru fram og samþykkt að Kári Gunnarssonn umhverfis- og landbúnaðarfulltrúi hói saman fjallskila- og gangnastjórum á svæðinu síðsumars til að skipuleggja komandi göngur í haust. Bókun fundar Afgreiðsla 227. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 5.2 2204022 Áburðarverksmiðja
  Landbúnaðarnefnd - 227 Landbúnaðarnefnd fagnar þeim áformum HS Orku, Fóðurblöndunnar og Kaupfélags Skagfirðinga að kanna hagkvæmni þess að reisa innlenda áburðarverksmiðju. Slík verksmiðja gæti aukið sjálfbærni innlendar matvælaframleiðslu og samtímis skapað öruggari skilyrði til föðuröflunar í landbúnaði. Óheyrilegar hækkanir á innfluttum áburði gera enn augljósari nauðsyn þess að framleiða sem mest af innlendum áburði, lífrænum sem ólífrænum. Bókun fundar Afgreiðsla 227. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 5.3 2204051 Viðhald skilarétta í sveitarfélaginu - skipan starfshóps
  Landbúnaðarnefnd - 227 Landbúnaðarnefnd samþykkir að skipa starfshóp um viðhald skilarétta í sveitarfélaginu. Í starfshópnum verði formaður landbúnaðarnefndar, umhverfis- og landbúnaðarfulltrúi og starfsmaður veitu- og framkvæmdasviðs. Starfshópnum falið að gera framkvæmdaáætlun og forgangsröðun stærri viðhaldsverkefna fyrir næstu fimm ár. Bókun fundar Afgreiðsla 227. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 5.4 2202067 Refa- og minkaveiði 2022
  Landbúnaðarnefnd - 227 Landbúnaðarnefnd staðfestir framlagðar áætlanir um veiði á mink og ref á árinu 2022. Einnig samþykkt að kalla ráðna veiðimenn til fundar þann 25. apríl n.k. Bókun fundar Afgreiðsla 227. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 5.5 2203178 Ársreikningur 2021 Fjallsk.sjóður Hegraness
  Landbúnaðarnefnd - 227 Lagður fram til kynningar ársreikningur Fjallskilasjóðs Hegraness fyrir árið 2021. Bókun fundar Afgreiðsla 227. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.

Málsnúmer 2204007FVakta málsnúmer

• 6.1 2202141 Fyrirkomulag eftirleita í Vesturfjöllum
  Landbúnaðarnefnd - 228 Með tilvísun í bókun landbúnaðarnefndar á 226. fundi nefndarinnar þann 17. mars 2022, þá samþykkir landbúnaðarnefnd framlagaða tillögu um að greiða upp í útlagðan kostnað með inneignarkortum vegna eldsneytis. Fjármagnið vegna þessa verði tekið af framlögum til fjallskiladeilda árið 2022.
  Bókun fundar Afgreiðsla 228. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 6.2 2204105 Samráð; Drög að breytingu á reglugerð um girðingar meðfram vegum
  Landbúnaðarnefnd - 228 Lagður fram tölvupóstur dagsettur 12. apríl 2022 þar sem innviðaráðuneytið kynnir til samráðs mál nr. 68/2022, „Drög að reglugerð um breytingu á reglugerð um girðingar meðfram vegum nr. 930/2012, með síðari breytingum“. Umsagnarfrestur er til 25. apríl 2022.
  Landbúnaðarnefnd er sammála um að fjárhæðír í reglugerðardrögunum séu verulega vanreiknaðar.
  Landbúnaðarnefnd samþykkir að fela Kára Gunnarssyni umhverfis- og landbúnaðarfulltrúa að senda inn umsögn í samræmi við umræður á fundinum. Bókun fundar Afgreiðsla 228. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 6.3 2204119 Fjallskilasjóður Sauðárkróks ársreikningur 2021
  Landbúnaðarnefnd - 228 Lagður fram til kynningar ársreikningur Fjallskilasjóðs Sauðárkróks fyrir árið 2021. Bókun fundar Afgreiðsla 228. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 6.4 2202067 Refa- og minkaveiði 2022
  Landbúnaðarnefnd - 228 Lögð fram drög að áætlun um minka- og refaveiði ársins 2022. Fjárhæðir verðlauna vegna veiða var samþykkt á 226. fundi landbúnaðarnefndar þann 17. mars s.l. Undir þessum dagskrárlið komu refa- og minkaveiðimenn til viðræðu um tilhögun veiðanna árið 2022. Mættir voru: Birgir Hauksson, Steinþór Tryggvason, Kristján B. Jónsson, Garðar Páll Jónsson, Hans Birgir Friðriksson, Stefán Ingi Sigurðsson, Friðrik Andri Atlason, Herbert Hjálmarsson, Jón Númason, Hafþór Gylfason og Egill Yngvi Ragnarsson.
  Landbúnaðarnefnd samþykkir framlagða veiðiáætlun og úthlutun eftir veiðisvæðum. Nefndin samþykkir breytingu á áðursamþykktri gjaldskrá, þannig að greiðsla fyrir unna hvolpafulla refalæðu verði tvöföld (grendýr) gegn því að stafræn mynd með staðsetningu fylgi reikningi. Bókun fundar Afgreiðsla 228. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.
• 6.5 2107081 Árhólarétt viðgerðir
  Landbúnaðarnefnd - 228 Farið yfir uppfærða áætlun á viðgerðarkostnaði við Árhólarétt. Steypuskemmdir eru víðtækari en álitið var í fyrstu og þörf á meiri uppbyggingu stólpa og veggja. Kostnaðarauki er tölverður.
  Landbúnaðarnefnd samþykkir að setja viðgerðir á Árhólarétt í forgang vegna fjármagns frá eignasjóði til viðhalds skilarétta á árinu 2022. Bókun fundar Afgreiðsla 228. fundar landbúnaðarnefndar staðfest á 424. fundi sveitarstjórnar 4. maí 2022 með níu atkvæðum.

Málsnúmer 2204011FVakta málsnúmer

• 7.1 2109039 Skagfirðingabraut 24 - Lóðarmál
  Skipulags- og byggingarnefnd - 431 Gunnar Gunnarsson, fyrir hönd Fjölbrautaskóla Norðurlands vestra og Ríkiseigna, óskar eftir heimild til að loka fyrir og banna allan akstur vélknúinna ökutækja um slóða sem liggur um lóðina Skagfirðingabraut 24 vestan heimavistar. Það gert vegna þeirrar hættu sem skapast þar sem útgangur úr íbúð er beint út á slóðann.
  Er þetta einnig vegna fyrirhugaðs frágangs á lóð vestan við húsnæðið. Fram kemur í erindi að ítrekað hafa brotnað rúður á neðri hæð heimavistarinnar vegna þessa aksturs og starfsmönnum sveitarfélagsins ítrekað á það bent.
  
  Skipulags- og byggingarnefnd heimilar umbeðna lokun, en fer jafnframt fram á að lokunin verði í samráði við sveitarfélagið vegna aðkomu að Sauðárgili og Litla-skógi.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.2 2203203 Birkimelur 22 - Lóðarmál
  Skipulags- og byggingarnefnd - 431 Sigurður Baldursson og Hrafnhildur Baldursdóttir eigendur Birkimels 22 sækja um stækkun lóðar til norðurs að ætlaðri gangstétt eða götu. Fylgiskjal móttekið 22.03.2022 gerir grein fyrir erindinu. Fyrir liggur jákvæð umsögn Veitu- og framkvæmdasvið dagsett 5.4.2022.
  Skipulags- og byggingarnefnd samþykkir umbeðna lóðarstækkun. Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.3 2102155 Laugarhvammur L146196 - Umsókn um breytta landnotkun lóða
  Skipulags- og byggingarnefnd - 431 Málið áður á dagskrá 401. fundar skipulags- og byggingarnefndar, eftirfarandi bókað:
  “Á 397. fundi skipulags- og byggingarnefndar þann 27. janúar 2021 samþykkti nefndin umsókn um landskipti úr landi Laugarhvamms, landnr. 146196, í Tungusveit , stofnun þriggja lóða. Laugarhvammur 16, Laugarhvammur 17 og Laugarhvammur 18 , skilgreindar sem sumarbústaðarland (60). Friðrik Rúnar Friðriksson, þinglýstur eigandi Laugarhvamms, landnúmer 146196, sem er upprunajörð ofannefndra lóða, óskar eftir því að breyta landnotkun úr sumarbústaðarlandi (60) í íbúðarhúsalóðir (10). Meðfylgjandi er afstöðuuppdráttur unnin af Stoð ehf. verkfræðistofu.
  Skipulags- og byggingarnefnd telur að skoða þurfi svæðið í heild með tilliti til skýrra marka á milli íbúðabyggðar og frístundabyggðar og einnig með tillitit til þess, hvort svæðið í heild skuli skilgreint sem þéttbýli. Nefndin vísar málinu til vinnu við endurskoðuðun aðalskipulags Sveitarfélagsins Skagafjarðar 2020-2035, sem nú er í vinnslu."
  
  Með hliðsjónar af skilgreiningu svæðisins í gildandi aðalskipulagi hafnar skipulags- og byggingarnefnd erindinu.
  
  Jafnframt bendir skipulagsfulltrúi á að hafin er deiliskipulagsvinna fyrir stækkun íbúðabyggðar við Lækjarbrekku og Lækjarbakka á Steinsstöðum í samræmi við aðalskipulag.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.4 2203302 Brautarholt 146017 - Umsókn um landskipti
  Skipulags- og byggingarnefnd - 431 Svavar Haraldur Stefánsson og Ragnheiður G. Kolbeins, f.h. Brautarholtsbænda ehf. sem er þinglýstur eigandi jarðarinnar Brautarholts (landnr. 146017) á Langholti í Skagafirði, sækja um leyfi til þess að skipta lóð úr landi jarðarinnar, líkt og sýnt er á meðfylgjandi afstöðuuppdrætti gerðum á Stoð ehf. verkfræðistofu af Atla Gunnari Arnórssyni. Númer uppdráttar er S-101 í verki nr. 7390-50, dags. 29. mars 2022. Lóðin er ætluð fyrir íbúðarhús og á uppdrætti fengið heitið Brautarholt 1.
  
  Landskipti þessi samræmast aðalskipulagi Sveitarfélagsins Skagafjarðar 2020-2035 og styðja við markmið aðalskipulags um búsetu í dreifbýli. Landskipti þessi hafa óveruleg áhrif á búrekstrarskilyrði og skerða ekki landbúnaðarsvæði í I. og II. flokki. Engin verndarsvæði skv. gildandi aðalskipulagi eru innan útskiptrar spildu. Engin fasteign er á umræddri lóð.
  Lögbýlaréttur og öll hlunnindi vegna Brautarholts munu áfram fylgja landnúmerinu 146017.
  
  Samhliða stofnun lóðarinnar er óskað eftir því að fá heimild til að leggja veg að lóðinni, eins og uppdrátturinn sýnir.
  
  Skipulags- og byggingarnefnd samþykkir umbeðin landskipti og nafngift en felur skipulagsfulltrúa að afgreiða umsókn um veglagningu að fenginni umsögn Minjavarðar.
  
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með átta atkvæðum. Ólafur Bjarni Haraldsson óskar bókað að hann taki ekki þátt í afgreiðslu málsins og víkur af fundi.
• 7.5 2204014 Messuholt L188613 - Umsókn um nafnleyfi
  Skipulags- og byggingarnefnd - 431 Arngunnur Hafstað Sigurþórsdóttir eigandi Messuholts land L188613 sækir um breytt heiti eignarinnar. Sótt er um að lóðin Messuholts land L188613, F2244839 fái heitið Skógarholt.
  
  Skipulags- og byggingarnefnd samþykkir erindið.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.6 2204035 Neðri-Ás 2 146478 - Umsókn um landskipti.
  Skipulags- og byggingarnefnd - 431 Christine Busch , þinglýstur eigandi jarðarinnar Neðri-Ás 2 (landnr. 146478) í Skagafirði, sækir um leyfi til þess að skipta spildu úr landi jarðarinnar, líkt og sýnt er á meðfylgjandi afstöðuuppdrætti gerðum á Stoð ehf. verkfræðistofu af Atla Gunnari Arnórssyni. Númer uppdráttar er S07 í verki nr. 7591-2001, dags. 4. feb. 2022
  
  Á uppdrættinum hefur spildan fengið heitið Neðri-Ás 2, land 6, sem er í samræmi við nöfn annarra spildna sem áður hafa verið teknar út úr jörðinni og í rökréttu framhaldi af síðustu landskiptum sem gerð voru 2015.
  
  Landskipti þessi samræmast aðalskipulagi Sveitarfélagsins Skagafjarðar 2020-2035 og styðja við markmið aðalskipulags um búsetu í dreifbýli. Landskipti þessi hafa óveruleg áhrif á búrekstrarskilyrði og skerða ekki landbúnaðarsvæði í I. og II. flokki, enda fyrirhugað að nýta landið áfram til landbúnaðar. Engin verndarsvæði skv. gildandi aðalskipulagi eru innan útskiptrar spildu. Engin fasteign er á umræddri spildu, en byggingarreitur sem stofnaður hefur verið fyrir hesthús og reiðhöll er á spildunni.
  Lögbýlaréttur og öll hlunnindi vegna Neðri-Áss 2 munu áfram fylgja landnúmerinu 146478.
  
  Skipulags- og byggingarnefnd samþykkir erindið eins og það er fyrirlagt.
  
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.7 2204050 Nestún 4 - Umsókn um lóð
  Skipulags- og byggingarnefnd - 431 Fyrir liggur umsókn frá Árna Max Haraldssyni og Ingu Jónu Sveinsdóttur um lóðina númer 4 við Nestún á Sauðárkróki.
  
  Skipulags- og byggingarnefnd samþykkir úthlutun lóðarinnar til umsækjenda.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.8 2111105 Deplar - Deiliskipulagsbreyting
  Skipulags- og byggingarnefnd - 431 Kollgáta arkitektastofa óskar fyrir hönd eigenda Depla, Fljótabakki ehf. um leyfi til að gera breytingar á gildandi deiluskipulagi fyrir Depla sem m.a. varða breytingar á byggingarreitum, leiðréttingu landamerkja og lóðarmarka til samræmis við frumheimild o.fl.
  Skipulags- og byggingarnefnd samþykkir deiliskipulagsbreytinguna og mælist til að sveitarstjórn Sveitarfélagsins Skagafjarðar samþykki breytingu á gildandi deiliskipulagi skv. 1.mgr.43.gr. skipulagslaga nr. 123/2010, og að tillagan verði auglýst skv. 1.mgr. 41.gr. sömu laga.
  
  Bókun fundar Forseti gerir tillögu um að vísa afgreiðslu málsins til sérliðar, Deplar - Deiliskipulagsbreyting. Samþykkt samhljóða.um.
• 7.9 2204077 Grjótstekkur 178674 - Umsókn um staðfestingu á hnitsettum landamerkjum.
  Skipulags- og byggingarnefnd - 431 Sigrún Alda Sighvats, þinglýstur eigandi sumarbústaðalandsins, Grjótstekks, landnúmer 178674 óska eftir leiðréttingu á hnitsettri ytri afmörkun landsins. Meðfylgjandi afstöðuuppdráttur nr. S-01 í verki 71110101, dags. 12. janúar 2022, gerir grein fyrir umræddri leiðréttingu. Afstöðuuppdráttur var unninn á Stoð ehf. verkfræðistofu.
  Afmörkun á meðfylgjandi uppdrætti er unnin úr nýjum mælingum á landamerkjum eins og þeim er lýst í þinglýstum skjölum nr. 809/96, dags. 3. ágúst 1996 og nr. 504/01, dags. 25. maí 2001. Afmörkun á meðfylgjandi uppdrætti leiðréttir ósamræmi í grunnmyndum dags. júlí, 1996 og maí 2001 sem vísað er í, í þinglýstum skjölum. Óskað er eftir því að afmörkun skv. eldri grunnmyndum falli út og afmörkun á meðfylgjandi afstöðuuppdrætti taki gildi og verði færð inn í landeignaskrá.
  Leiðrétt afmörkun landsins markast af girðingum og miðlínu Skagafjarðarvegar (752) sem mæld var 10. janúar 2022. Við leiðréttingu þessa breytist stærð landsins úr 44.254 m² í 51.720 m².
  
  Meðfylgjandi er yfirlýsing eigenda aðliggjandi landeigna um ágreiningslaus merki.
  Skipulags- og byggingarnefnd samþykkir erindið eins og það er fyrirlagt. Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.10 2009236 Lóðamál - Úthlutunarreglur - Reglur um úthlutun lóða
  Skipulags- og byggingarnefnd - 431 Lagðar fram uppfærðar úthlutunarreglur um úthlutun lóða.
  
  Skipulags- og byggingarnefnd leggur til við sveitarstjórn að samþykkja úthlutunarreglurnar.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.11 2203230 Blöndulína 3 - umsagnarbeiðni
  Skipulags- og byggingarnefnd - 431 Lögð fram drög að umsögn um Blöndulínu 3.
  Skipulags- og byggingarnefnd frestar afgreiðslu. Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.12 2203057 Helgustaðir L223795 - Umsókn um byggingarreit
  Skipulags- og byggingarnefnd - 431 Mál áður á dagskrá 430. fundar skipulags- og byggingarnefndar, eftirfarandi bókað:
  “Guðjón Magnússon og Helga Óskarsdóttir, þinglýstir eigendur jarðarinnar Helgustaða í Hegranesi, landnúmer 223795, óska eftir heimild til að stofna 525 m² byggingarreit fyrir íbúðarhús og fjárhús í landi jarðarinnar, eins og sýnt er á meðfylgjandi afstöðuuppdrætti nr. S-101 í verki 7746-0101, dags. 23. mars 2022. Afstöðuppdráttur unninn á Stoð ehf. verkfræðistofu af Atla Gunnari Arnórssyni. Vegtenging að húsinu verður um núverandi vegtengingu frá Hegranesvegi að byggingum sem fyrir eru á jörðinni. Skipulags- og byggingarnefnd frestar afgreiðslu.?
  Fyrir liggur jákvæð umsögn minjavarðar.
  
  Skipulags- og byggingarnefnd samþykkir erindið eins og það er fyrirlagt.
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 7.13 2203267 Úthlutun lóðar í Nestúni
  Skipulags- og byggingarnefnd - 431 Mál áður á dagskrá 413. fundi skipulags- og byggingarnefndar :
  “Lóðarúthlutun skipulags- og byggingarnefndar - Kleifatún 9-11, 2106266
  Með vísan til minnisblaðs Landslaga frá 2. september 2021 liggur fyrir að ekki er til gilt deiliskipulag af svæðinu. Með vísan til þess er sveitarstjóra falið að leita samkomulags við lóðarhafa um afturköllun úthlutunar lóðarinnar gegn úthlutun annarrar lóðar í stað hennar. Jafnframt er lagt til að fljótlega verði farið í vinnu við gerð deiliskipulags af svæðinu. Þar verði m.a., í samráði við íbúa, skoðuð nýting núverandi opinna svæða og hvort rétt sé að halda þeim óbreyttum eða nýta þau á annan hátt. Sveitarstjóra er falið að tilkynna lóðarhafa framangreint sem og þeim sem athugasemdirnar gerðu. Sigurður H. Ingvarsson starfsmaður nefndarinnar, vék af fundi við afgreiðslu þessa dagskrárliðar."
  
  Lagt fram minnisblað frá sveitarstjóra Sveitarfélagsins Skagafjarðar.
  
  Skipulags- og byggingarnefnd harmar þau mistök sem áttu sér stað við fyrri úthlutun lóðarinnar við Kleifartún 9-11 og samþykkir að hluteigandi fái úthlutað þess í stað parhúsalóð við Nestún samkvæmt framlögðu minnisblaði.
  Dregið verður um úthlutun þeirrar lóðar í vitna viðurvist.
  
  Bókun fundar Afgreiðsla 431. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.

Málsnúmer 2204019FVakta málsnúmer

• 8.1 2204156 Aðalskipulag - Blöndulína 3 - Umsagnir landeigenda
  Skipulags- og byggingarnefnd - 432 Gerð er grein fyrir innsendum athugasemdum landeigenda vegna Blöndulínu 3.
  
  Athugasemdir hafa borist frá eftirtöldum aðilum:
  Mælifell, landeigandi Þjóðkirkjan- Biskupsstofa, Ásta Guðrún Beck lögfræðingur fyrir þeirra hönd.
  Lækjargerði, ábúendur og landeigendur: Guðmundur Páll Ingólfsson, Margrét Eyjólfsdóttir, Erna María Guðmundsdóttir og Eyjólfur Örn Guðmundsson.
  Lýtingsstaðir, ábúendur og landeigendur: Sveinn Guðmundsson, Evelyn Ýr Kuhne og Júlíus Guðni Sveinsson.
  Laugamelur, landeigendur: Páll Arnar Ólafsson og Linda Hlín Sigbjörnsdóttir.
  Brúnastaðir 3, ábúendur og landeigendur : Friðrik S. Stefánsson og Rikke Busk.
  Starrarstaðir, ábúendur og landeigendur: María Reykdal, Stefanía Eyjólfsdóttir og Gylfi Heiðar Ómarsson.
  Hvammkot í Lýtingsstaðahreppi: Brynja Sif Skúladóttir og Jan Triebel.
  Starrastaðir, landeigendur : Sigríður M. Ingimarsdóttir, Helgi Ingimarsson og Inga Dóra Ingimarsdóttir.
  Litli-Dalur, ábúendur og landeigendur : Marinó Indriðason og Hanna Björg Hauksdóttir.
  Hvíteyrar, ábúandi og landeigandi : Rósa Björnsdóttir.
  
  Lagt fram til kynningar.
  
  
  Bókun fundar Afgreiðsla 432. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 8.2 2203230 Blöndulína 3 - umsagnarbeiðni
  Skipulags- og byggingarnefnd - 432 Fyrir liggur erindi frá Skipulagsstofnun þar sem óskað er umsagnar vegna mats á umhverfisáhrifum framkvæmdarinnar við Blöndulínu 3. Umsagnaraðilar skulu gefa álit sitt í samræmi við 16. gr. reglugerðar nr. 1381/2021 um umhverfismat framkvæmda og áætlana.
  Fyrir liggur umbeðin umsögn meirihluta skipulags- og byggingarnefndar.
  Nefndin leggur til við sveitarstjórn að samþykkja framlagða umsögn vegna Blöndulínu 3.
  
  Meirihluti skipulags- og byggingarnefndar ásamt Byggðalista leggur hér fram umsögn sem svar til Landsnets vegna Umhverfismatsskýrslu dags. 25.3.2022 um lagningu Blöndulínu 3 frá Blönduvirkjun til Akureyrar. Þar leggja þeir til að þeirra aðalvalkostur verði svokölluð Kiðaskarðsleið án jarðstrengs. Í svarinu leggjum við áherslu á þá línuleið með jarðstreng sem samþykkt er af Sveitarstjórn í gildandi Aðalskipulagi, en sú tillaga sem nú liggur fyrir samræmist ekki gildandi Aðalskipulagi Skagafjarðar. Í svarinu leggjum við sérstaka áherslu á mikilvægi þess að ráðist verði í óháða úttekt á mögulegri lengd jarðstrengja í Blöndulínu 3, en það er forsenda þess að aukin sátt náist um fyrirhugaða framkvæmd. Við teljum því ekki forsendur fyrir því að taka endanlega afstöðu til tillögunnar fyrr en umræða um jarðstreng er kominn á hreint og niðurstöður úr þessu kynningarferli liggja fyrir.
  
  Álfhildur Leifsdóttir fulltrúi Vinstri grænna og óháðra leggur fram eftirfarandi bókun:
  Nýlega endurskoðað Aðalskipulag sveitarfélagsins Skagafjarðar gerir ráð fyrir að Blöndulína 3 fari um svokallaða Héraðsvatnaleið með 3,7 km jarðstreng á þeirri leið. Landsnet taldi á þeim tíma sem Héraðsvatnaleið var helsti valkostur, að möguleiki væri á jarðstreng á línuleiðinni. Nú hefur Landsnet kynnt aðalvalkost sinn, Kiðaskarðsleið, en samkvæmt umhverfismatsskýrslu er ekki gert ráð fyrir neinum jarðstreng á línuleiðinni m.a. með þeim rökum að jarðstrengur falli ekki að stefnu stjórnvalda um lagningu raflínu.
  Að mati VG og óháðra eru forsendur fyrir lagningu Blöndulínu 3 brostnar. Annars vegar þar sem valkostur Landsnets samræmist ekki Aðalskipulagi sveitarfélagsins og hins vegar þar sem engin áform eru um jarðstreng á línuleiðinni. Jarðstrengur er forsenda þess að sátt náist við íbúa og landeigendur um lagningu línunnar en VG og óháð hafa lagt mikla áherslu á að lagning línunnar verði í sem mestri sátt við íbúa og landeigendur.
  VG og óháð fara enn fram á óháða úttekt á lengd jarðstrengja á Blöndulínu 3.
  
  Bókun fundar Forseti gerir tillögu um að vísa afgreiðslu málsins til sérliðar, Blöndulína 3 - umsagnarbeiðni. Samþykkt samhljóða.
  
• 8.3 2204134 Útvík 146005 - Umsókn um landskipti
  Skipulags- og byggingarnefnd - 432 Árni I. Hafstað sækir f.h. Útvíkurfélagsins ehf., sem er þinglýstur eigandi Útvíkur L146005 um leyfi til að stofna jörð og fjórar minni spildur úr jörðinni Útvík L 146005 sem hér segir:
  
  A) Sótt er um að stofna 91,55 ha landsspildu, jörð úr landi jarðarinnar skv. meðfylgjandi afstöðuuppdrætti unnum á Stoð ehf. verkfræðistofu af Birni Magnúsi Árnasyni. Númer uppdráttar er S01 og S02 í verki nr. 71860401 dags. 22. apríl 2022. Hlaða, 114,8 m2 að stærð, byggð árið 1963 fylgir landinu. Óskað eftir að nefna útskipta landið Kúfhóla. Því skal fylgja hlutur Útvíkur, þ.e. fjórðungur, í óskiptu og sameiginlegu landi jarðanna, Víkurfjalls L231371, Útvíkur L146005, Glæsibæjar L145975 og Ögmundarstaða L146013, sbr. meðfylgjandi uppdrætti frá Stoð ehf. verkfræðistofu dags. 24.03. 2021, sem samþykktur var á fundi nefndarinnar hinn 25.03.2021.
  B) Sótt er um að stofna 1.000 m2 lóð úr landi jarðarinnar skv. meðfylgjandi afstöðuuppdrætti sem unnin er af Kristni Halli Sveinssyni hjá Loftmyndum hinn 22.04.2022 og gerir hann grein fyrir landskiptunum. Óskað eftir að nefna útskipta landið Gamla brugghúsið. Innan útskipta landsins stendur 175 m2 brugghús, byggt 1966, matshluti jarðarinnar merktur 08 0101, og 152,9 m2 brugghús/vörugeymsla, byggt 2016, matshluti jarðarinnar merktur 15 0101. Gert er ráð fyrir að lóðin verði notuð undir starfsemi með líkum hætti og verið hefur.
  C) Sótt er um að stofna um 3 ha landskika úr landi jarðarinnar, austan lóðar íbúðarhúss, Útvík lóð, L201663 og framangreinds brugghúss, allt svo sem sýnt er á afstöðuuppdrætti sem er unninn af Kristni Halli Sveinssyni hjá Loftmyndum hinn 22.04. 2022 og gerir hann grein fyrir landskiptunum. Óskað eftir að nefna útskipta landið Melgryfjur. Innan útskipta landsins eru engar byggingar. Landið er ætlað sem beitiland, til sláttu og annarra nytja sem teljast til landbúnaðar (80).
  D) Sótt er um stofnun tveggja landskika, Útvík lóð ? millispilda 1 og Útvík lóð ? millispilda 2, til sameiningar við Útvík lóð, L201663: Um er að ræða tvær spildur samtals um 2.455 m2 að stærð sem teknar eru úr landi Útvíkur í þessu skyni, sbr. afstöðuppdrátt sem unninn er á Loftmyndum ehf. af Kristni Halli Sveinssyni dags. 22.04.2022. Er í því skjali gerð grein fyrir landskiptunum og stærð hvorrar lóðar og svo heildarstærð. Verða þessir skikar sameinaðir framangreindri lóð. Eigandi umræddrar íbúðarhúsalóðar, Útvík lóð, L201663, Birgitte Bærendtsen hefur áritað umsóknina um samþykki sitt.
  
  Hlunnindi vegna Sæmundarár og Miklavatns fylgja í engum framangreindum tilfellum útskiptum lóðum/lendum og tilheyra því áfram jörðinni Útvík L146005. Önnur hlunnindi tengd viðkomandi lóð/lendu skulu fylgja svo sem lög frekast leyfa. Lögbýlaréttur fylgir áfram Útvík L146005.
  
  Öll framangreind landskipti samrýmast gildandi aðalskipulagi Sveitarfélagsins Skagafjarðar 2020-2035.
  
  Skipulags- og byggingarnefnd samþykkir erindið eins og það er fyrir lagt.
  Bókun fundar Afgreiðsla 432. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 8.4 2105191 Sólgarðar lóð L221774, Sólgarðaskóli - Umsókn um byggingarleyfi og breytta notkun.
  Skipulags- og byggingarnefnd - 432 Fyrir liggur erindi byggingarfulltrúa dags. 25.05.2021 þar sem óskað er umsagnar skipulagsfulltrúa með vísan til gr. 2.4.2. byggingarreglugerðar 112/2012.
  Þar sem Guðmundur Þór Guðmundsson f.h. Eignasjóðs sveitarfélagsins Skagafjarðar, sækir um byggingarleyfi til að breyta notkun Sólgarðaskóla sem stendur á lóðinni Sólgarðar lóð L221774 í Fljótum. Meðfylgjandi aðaluppdrættirnir eru gerðir á Veitu- og framkvæmdasviði Sveitarfélagsins Skagafjarðar af Guðmundi Þór Guðmundssyni. Uppdrættir eru í verki 3130, númer A-100 til A-105, dagsettir 4. maí 2021. Umrædd lóð er leigulóð í eigu Ríkisjóðs Íslands.
  
  Skipulags- og byggingarnefnd leggur til við sveitarstjórn þar sem ekki liggji fyrir deiliskipulag að fram fari grenndarkynning skv. 1. mgr. 44. gr. laga nr. 123/2010 þar sem framkvæmdin sé í samræmi við gildandi aðalskipulag og að fyrirhuguð framkvæmd í samræmi við landnotkun, byggðamynstur og þéttleika byggðar skv. því skipulagi.
  
  Bókun fundar Forseti gerir tillögu um að vísa afgreiðslu málsins til sérliðar, Sólgarðar lóð L221774, Sólgarðaskóli - Umsókn um byggingarleyfi og breytta notkun. Samþykkt samhljóða.
• 8.5 2204174 Syðra-Skörðugil 146065 - Umsókn um landskipti.
  Skipulags- og byggingarnefnd - 432 Sigríður Fjóla Viktorsdóttir og Elvar E. Einarsson þinglýstir eigendur jarðarinnar Syðra-Skörðugils L146065 óska eftir heimild til að skipta 5,77 ha spildu (íbúðarhúsalóð) úr landi jarðarinnar skv. meðfylgjandi afstöðuuppdrætti nr. S-101 í verki nr. 7153-6001, dags. 10. mars 2022. Afstöðuuppdrátturinn unnin á Stoð efh. verkfræðistofu af Atla Gunnari Arnórssyni.
  Óskað er eftir því að spildan fái heitið Syðra-Skörðugil 1.
  Landskipti þessi samræmast aðalskipulagi Sveitarfélagsins Skagafjarðar 2020-2035 og styðja við markmið aðalskipulags um búsetu í dreifbýli. Landskipti þessi hafa óveruleg áhrif á búrekstarskilyrði og skerða ekki landbúnaðarsvæði í I. og II. flokki. Engin verndarsvæði skv. gildandi aðalskipulagi eru innan útskiptrar spildu. Engin fasteign er á umræddri spildu.
  Lögbýlaréttur og öll hlunnindi munu áfram fylgja Syðra-Skörðugili, landnúmer 146065.
  
  Skipulags- og byggingarnefnd samþykkir erindið eins og það er fyrirlagt.
  
  Einar E. Einarson vék af fundi við afgreiðslu málsins. Bókun fundar Afgreiðsla 432. fundar skipulags- og byggingarnefndar staðfest á 424. fundi sveitarstjórnar 4.maí 2022 með níu atkvæðum.
• 8.6 2204167 Skarðseyri 1 og 2 (143320) (143722) - Umsókn um deiliskipulag og byggingarreit.
  Skipulags- og byggingarnefnd - 432 Ásmundur J. Pálmason fyrir hönd Steypustöðvar Skagafjarðar ehf., þinglýsts lóðarhafa lóðanna Skarðseyri 1, L143320 og Skarðseyri 2, L143722 óska eftir heimild til að láta vinna tillögu að deiliskipulagi fyrir lóðirnar á kostnað framkvæmdaraðila skv. 2. mgr. 38. gr. skipulagslaga nr. 123/2010. Meðfylgjandi vinnuskrá, dags. 25.04.2022 gerir grein fyrir afmörkun skipulagssvæðis sem er 23.163 m² að stærð og er í samræmi við bókun skipulags- og byggingarnefndar af 405. fundi þann 29.04.2021.
  
  Skipulags- og byggingarnefnd heimilar að falla frá gerð lýsingar þar sem meginforsendur liggi fyrir í gildandi aðalskipulagi sveitarfélagsins 2020-2035, sbr. ákvæði 5.2.2. gr. skipulagsreglugerðar nr. 90/2013 og falli ekki undir lög nr. 111/2021 um umhverfismat framkvæmda og áætlana.
  Þó verði unnið mat á líklegum áhrifum fyrirhugaðra framkvæmda á valda umhverfisþætti skv. 5.4.1. gr. skipulagsreglugerðar nr. 90/2013.
  
  Einnig óskað eftir heimild til að stofna 546 m² byggingarreit á lóð nr. 1 við Skarðseyri, L143320, eins og sýnt er í meðfylgjandi vinnuskrá í verki nr. 35120101 dags. 25.04.2022. Reitur í samræmi við fyrirhugaða tillögu að deiliskipulagi.
  
  Skipulags- og byggingarnefnd samþykkir umbeðinn byggingarreit og leggur jafnframt fram við sveitarstjórn að heimila umbeðna deiliskipulagsgerð sbr. 2. mrg 38.gr laga nr.123/2010.
  Bókun fundar Forseti gerir tillögu um að vísa afgreiðslu málsins til sérliðar, Skarðseyri 1 og 2 (143320) (143722) - Umsókn um deiliskipulag og byggingarreit. Samþykkt samhljóða.

Málsnúmer 2203027FVakta málsnúmer

• 9.1 2106293 Fuglalíf á Borgarskógum, við Tjarnartjörn og Áshildarholtsvatn
  Umhverfis- og samgöngunefnd - 190 Erindi hefur borist frá Valtý Sigurðssyni starfsmanni NNV (Náttúrustofa norðurlands vestra) þar sem hann ásamt fleirum bendir á að fuglalífi hafi hrakað mjög á undanförnum árum á svæðinu sunnan við reiðhöllina á Sauðárkróki, við Áshildarholtsvatn og á Borgarskógum. Hvetur Valtýr sveitarfélagið til að hjálpa þarna til, með því að eyða samviskulega mink og ref. Valtýr ásamt fleirum ætla að fylgjast með þarna næstu ár og vera í sambandi með hvað getur valdið þessari leiðu þróun, að þarna hraki fuglalífi.
  
  
  Umhverfis og samgöngunefnd þakkar góðar ábendingar frá Valtý. Lagt er til að aukin áherlsa verði lögð á meindýraeyðingu á svæðinu á næstu árum og að fylgst verði með þróun fuglalífs á næstu árum. Umhverfis og samgöngunefnd óskar eftir góðu samstarfi við NNV um verndun fuglalífs. Eyðing meindýra er í höndun landbúnarðarnefndar
  Bókun fundar Afgreiðsla 190. fundar umhverfis- og samgöngunefndar staðfest á 424. fundi sveitarstjórnar 4. maí 2022 með níu atkvæðum.
• 9.2 2204079 Miðbæjarkjarni á Sauðárkróki. Tillaga umhverfis og samgöngunefndar varðandi miðbæjarkjarna á Sauðárkróki
  Umhverfis- og samgöngunefnd - 190 Tillaga umhverfis- og samgöngunefndar varðandi miðbæjarkjarna á Sauðárkróki. Umhverfis- og samgöngunefnd leggur til að hafin verði hugmyndavinna að skipulagi og hönnun miðbæjarsvæðis á Sauðárkróki. Í nýju Aðalskipulagi Sveitarfélagsins Skagafjarðar eru þrjú miðsvæði nefnd en það hefur verið nokkuð óljóst hvar íbúar telji miðbæinn sinn vera. Nefndin telur að skilgreina þurfi svæði í skipulagi sem sérstakan miðbæjarkjarna með það að markmiði að byggja upp miðbæjarumhverfi sem er sýnilegt og hefur aðdráttarafl fyrir íbúa og gesti sem heimsækja okkur og er um leið spennandi tækifæri fyrir fjárfesta. Í vinnunni verði leitað eftir hugmyndum og tillögum í samráði við íbúa, atvinnulíf og félagasamtök.
  
  Umhverfis- og samgöngunefnd samþykkir að vísa tillögunni til byggðarráðs til umfjöllunar.
  
  
  
  Bókun fundar Afgreiðsla 190. fundar umhverfis- og samgöngunefndar staðfest á 424. fundi sveitarstjórnar 4. maí 2022 með níu atkvæðum.
• 9.3 2204081 Snjómokstur 2022 - 2025
  Umhverfis- og samgöngunefnd - 190 Samningur við verktaka um snjómokstur á Sauðárkróki rennnur út núna í vor. Ákvæði eru í samningi um að hægt sé að framlengja um eitt ár ef aðilar eru sammála um þá tilhögun. Borist hefur erindi frá verktakanum, Vinnuvélum Símonar, þar sem óskað er eftir að samningurinn verði framlengdur.
  
  Nefndin frestar að taka afstöðu til málsins og felur sviðsstjóra að fara frekar yfir það og leggja fyrir næsta fund. Bókun fundar Afgreiðsla 190. fundar umhverfis- og samgöngunefndar staðfest á 424. fundi sveitarstjórnar 4. maí 2022 með níu atkvæðum.

Málsnúmer 2203138Vakta málsnúmer

Málsnúmer 2203067Vakta málsnúmer

Málsnúmer 2009236Vakta málsnúmer

Málsnúmer 2111105Vakta málsnúmer

Málsnúmer 2203230Vakta málsnúmer

Málsnúmer 2105191Vakta málsnúmer

Málsnúmer 2204167Vakta málsnúmer

Málsnúmer 2203291Vakta málsnúmer

Málsnúmer 2204053Vakta málsnúmer

Málsnúmer 2204025FVakta málsnúmer

Málsnúmer 2201006Vakta málsnúmer

Málsnúmer 2201003Vakta málsnúmer