Fréttir

Nú er komið að hinni árlegu leiksýningu 10. bekkjar Árskóla í Bifröst og að þessu sinni varð hið sígilda leikrit um Mjallhvíti og dvergana sjö fyrir valinu. Leikstjóri er Guðbrandur Ægir Ásbjörnsson en höfundur verksins er Margarete Kaiser.

Sveitarfélagið Skagafjörður auglýsir nú eftir þátttöku í ljósmynda- og myndbandasamkeppni um myndir teknar í Skagafirði. Þemað er náttúra og mannlíf í sveitarfélaginu. Keppnin mun standa yfir til hádegis þann 31. júlí næstkomandi.

Dagdvöl aldraðra auglýsir laust til umsóknar starf í afleysingu í 1 ár. Starfið er laust frá og með 1. júní nk. og er í 77,75% starfshlutfalli. Dagdvöl auglýsir einnig eftir tveimur sumarstarfsmönnum í hlutastarf frá 25. maí 2016. Störfin eru unnin á dagvinnutíma.

Sveitarfélagið Skagafjörður óskar eftir því að ráða kvenkyns starfsmann í 70% starf í búsetu í Fellstúni 19b. Starfið er laust frá miðjum maí. Starfsmaður aðstoðar fatlað fólk við athafnir daglegs lífs og sinnir líkamlegum og félagslegum þörfum eftir því sem við á.

Fjölskylduþjónusta Sveitarfélagsins Skagafjarðar auglýsir eftir starfsmanni í heimaþjónustu á Sauðárkróki og nágrenni. Um 100% starf er að ræða. Heimaþjónusta er þjónustustarf sem unnið er inni á heimili eða í daglegu umhverfi þjónustuþega og byggir á lögum um félagsþjónustu sveitarfélaga.

Árshátíð yngri nemenda í Varmahlíðarskóla verður í Miðgarði föstudaginn 4. mars kl 15. Nemendur 1. - 6. bekkjar sýna leikritið um Hróa Hött eftir handriti Guðjóns Sigvaldasonar.

Ný heimasíða sveitarfélagsins fór í loftið síðastliðið sumar og nú hefur bæst við nýjung á síðuna til að auka þjónustuna við íbúana, ábendingargátt.

Ladies Circle klúbburinn á Sauðárkróki gaf í dag, hlaupársdag, þjónustuþegum og starfsfólki Iðjunnar nýja Ipad spjaldtölvu. Spjaldtölvuna notar fólkið í þjálfun og hugmyndavinnu í listsköpun svo fátt eitt sé nefnt og kemur tækið sér sérstaklega vel.

Um helgina verður vetrarhátíð á skíðasvæðinu í Tindastóli og verður opið til kl 21 í kvöld en kveiktur verður varðeldur og tónlistin mun óma um fjallið. Á morgun, laugardag, verður opið milli kl 11 og 16 og ýmislegt í boði. Skátarnir verða með þrautaleik, bátur frá Viking Rafting verður á staðnum ásamt Crazy Roller og nýtroðnum skíðabrautum.