Sveitarstjórn Sveitarfélagins Skagafjarðar

Fundargerð 256. fundar skipulags- og byggingarnefndar lögð fram til afgreiðslu á 313. fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.

Fundargerð 95. fundar fræðslunefndar lögð fram til afgreiðslu á 313. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Gréta Sjöfn Guðmundsdóttir og Bjarki Tryggvason kvöddu sér hljóðs.

Fundargerð skólanefndar FNV frá 18. mars 2014 lögð fram til kynningar á 313. fundi sveitarstjórnar 9. apríl 2014

Fyrirspurn til Sveitarstjórnar Sveitarfélagsins Skagafjarðar varðandi tillögu um könnun á launakjörum skagfirðinga sem fjallað var um og samþykkt var á 310 fundi sveitarstjórnar 22.janúar 2014.

Á sveitarstjórnar 22.janúar sl. var breytingartillaga Stefáns V. Stefánssonar við tillögu Grétu Sjafnar Guðmundsdóttur samþykkt með níu atkvæðum.

Breytingartillagan var svohljóðandi: Sveitarstjórn Sveitarfélagsins Skagafjarðar felur sveitarstjóra að athuga hjá Sambandi íslenskra sveitarfélaga hvort, eða með hvað hætti hægt sé að framkvæma könnun á launakjörum skagfirðinga samanborið við launakjör í sambærilegum sveitarfélögum og höfuðborgarsvæðin" Spurt er hvort sveitarstjóri hafi athugað hvort sér hægt að framkvæma könnunina líkt og tillagan gerði ráð fyrir og hvort vænta megi að hún verði framkvæmd.

Gréta Sjöfn Guðmundsdóttir, Samfylkingunni og Sigurjón Þórðarson Frjálslyndum og óháðum.

Ásta Björg Pálmadóttir sveitarstjóri kvaddi sér hljóðs og lagði fram eftirfarandi bókun.

Á sveitarstjórnarfundi þann 22.janúar s.l. var bókað undir máli númer 1401206 að sveitarstjóra væri falið að athuga hjá Sambandi íslenskra sveitarfélaga hvort og með hvaða hætti hægt væri að framkvæma könnun á launakjörum skagfirðinga samanborið við launakjör í sambærilegum sveitarfélögum og á höfuðborgarsvæðinu. Sveitarstjóri hafði samband við starfsmenn Sambands íslenskra sveitarfélaga þann 6. febrúar s.l. og óskaði eftir leiðbeiningum um framkvæmd verksins. Engar einfaldar og aðgengilegar lausnir hafa borist frá Sambandi íslenska sveitarfélaga ennþá en verið er að kanna með hvaða hætti hægt sé að framkvæma slíka könnun og verður það kynnt um leið og það liggur fyrir. Samkvæmt upplýsingum frá sambandinu eru allar launaupplýsingar sem eru til trúnaðargögn.

Samband íslenskra sveitarfélaga hefur beðist velvirðingar á því hve málið hefur dregist á langinn en mikið álag er á starfsfólki sambandsins vegna lausra kjarasamninga og kjaraviðræðna.

Ásta Björg Pálmadóttir, sveitarstjóri.

Sigurjón Þórðarson, Jón Magnússon, Bjarni Jónsson með leyfi varaforseta, Gréta Sjöfn Guðmundsdóttir, Sigurjón Þórðarson, kvöddu sér hljóðs.

Sigurjón Þórðarson lagði fram eftirfarandi bókun.

Í byrjun árs var lögð fram eftirfarandi tillaga á sveitarstjórnarfundi sem miðaði að því leita svara við spurningu sem brennur á Skagfirðingum ?Sveitarstjórn Sveitarfélagsins Skagafjarðar samþykkir að gera könnun á launakjörum skagfirðinga samanborið við launakjör í sambærilegum sveitarfélögum og höfuðborgarsvæðinu.?
Í stað þess að tillagan væri samþykkt þá var hún útþynnt með breytingartillögu meirihlutans flutt af Stefáni V. Stefánssyni.
Af svörum við fyrirspurninni má augljóslega ráða að meirihlutinn hefur ekki lagt neina áherslu á að koma tillögunni til framkvæmda heldur má álíta sem svo að það hafi verið ætlunin að drepa málinu á dreif.

Viggó Jónsson tók til máls, þá Sigurjón Þórðarson og Stefán Vagn Stefánssonar sem lagði fram eftirfarandi bókun.

Ef bókun sveitarstjóra er skoðuð er ljóst að málið fór strax í þann feril að haft var samband við Samband íslenskra sveitarfélaga og aðstoðar óskað í málinu ekki síst með hvaða hætti með mestum árangri væri hægt að fara í slíka könnun og fá aðgang að nauðsynlegum gögnum. Svar sambandsins hefur dregist og mun málið verða tekið upp um leið og svar sambandsins berst sveitarfélaginum en fullur hugur er að fylgja málinu eftir.

Stefán Vagn Stefánsson, Bjarni Jónsson, Sigríður Magnúsdóttir, Bjarki Tryggvason og Viggó Jónsson.

Gréta Sjöfn Guðmundsdóttir tók til máls og lagði fram eftirfarandi tillögu.

Tillaga um mat á framkvæmd hagræðingartillagna Haraldar L. Haraldssonar á rekstri Sveitarfélagsins Skagafjarðar.
Sveitarstjórn Sveitarfélagsins Skagafjarðar samþykkir að lagt verði mat á framkvæmd hagræðingartillagna sem farið var í, í framhaldi af úttekt Haraldar L. Haraldssonar á rekstri Sveitarfélagsins árið 2012, ásamt því að teknar verði saman þær tillögur sem ekki var farið í. Jafnframt verði lagt mat á áhrif þeirra tillagna sem ráðist var í, á þjónustu sveitarfélagsins.

Greinargerð.
Að beiðni sveitarstjóra í framhaldi af ákvörðun Sveitarstjórnar, tók Haraldur Líndal að sér að gera úttekt á rekstri Sveitarfélagsins Skagafjarðar, með það að markmiði að koma fram með tillögur að hagræðingu í rekstri sveitarfélagsins, þannig að reksturinn skili meiri framlegð til að standa undir afborgunum lána og nýjum framkvæmdum. Skýrslan sem er upp á 161 blaðsíðu sýnir 95 tillögur og er það mat skýrsluhöfundar að möguleikarnir eru margir til að bæta rekstrarafkomuna, einnig kemur fram að engar af tillögunum ganga lengra en mörg sveitarfélög hafa verið að framkvæma að undanskilinni einni tillögu. Einnig kemur fram að tillögurnar eiga ekki að skerða þjónustu sveitarfélagsins á nokkurn hátt. Mikilvægt er í framhaldi af kostnaðarsamri úttekt sem talin var mikilvæg á sínum tíma að sveitarstjórn ákveði að leggja mat á hvernig sveitarstjórn, nefndir og ráð hafa unnið með þær tillögur sem lagðar voru fram og hverju þær hafa skilað ásamt því að teknar verði saman þær tillögur sem ekki hefur verið unnið með.

Gréta Sjöfn Guðmundsdóttir Samfylkingunni og Sigurjón Þórðarson, Frjálslyndum og óháðum.

Stefán Vagn Stefánsson kvaddi sér hljóðs og lagði til að tillögunni yrði vísað til byggðarráðs til umfjöllunar og afgreiðslu, ásamt því að kynna eftirfarandi bókun.

Í ljósi þess að margt er óljóst um framkvæmd þeirrar úttektar sem fulltrúi samfylkingarinnar óskar eftir að farið verði í og að byggðarráð sveitarfélagsins hefur haldið á þessu máli og meðal annars farið nokkrum sinnum yfir stöðu aðgerðanna er það lagt til að málið verði sent byggðarráði til umfjöllunar og afgreiðslu. Eðlilegt er að byggðarráð fari reglulega yfir stöðu hagræðingaaðgerðanna en er það mat undirritaðra að þær hagræðinaraðgerðir sem farið var í í kjölfar rekstrarúttektarinnar, og sveitarstjórn stóð einhuga að, voru undirstaðan í þeim gríðarlega viðsnúningi sem verið hefur í rekstri sveitarfélagsins. Allt stefnir í að sá ársreikningur sem kynntur verður á næstu dögum sýni bestu rekstrarniðurstöðu í sögu sveitarfélagsins Skagafjarðar og 600 milljóna viðsnúning frá árinu 2011. Slíku ber að fagna. Halda þarf áfram á sömu braut.

Stefán Vagn Stefánsson, Sigríður Magnúsdóttir, Bjarki Tryggvason, Viggó Jónsson, Bjarni Jónsson, Sigríður Svavarsdóttir og Jón Magnússon.

Sigurjón Þórðarson tók til máls, þá Gréta Sjöfn Guðmundsdóttir, Stefán Vagn Stefánsson, Sigurjón Þórðarson, Stefán Vagn Stefánsson, Bjarki Tryggvason, Gréta Sjöfn Guðmundsdóttir.

Tillaga um að vísa tillögu um mat á framkvæmd hagræðingartillagna Haraldar L. Haraldssonar á rekstri Sveitarfélagsins Skagafjarðar til umfjöllunar og afgreiðslu í byggðarráð borin undir atkvæði.

Samþykkt með sjö atkvæðum. Gréta Sjöfn Guðmundsdóttir og Sigurjón Þórðarson óska bókað að þau sitji hjá og leggja fram eftirfarandi bókun.

Eðlilegt er að afgreiða tillöguna á fundi sveitarstjórnar sem fer með ákvörðunarvald sveitarfélagins.

Málinu vísað frá 657. fundi byggðarráðs frá 3. apríl 2014 til samþykktar í sveitarstjórn.

Sveitarstjórnir Akrahrepps, Blönduósbæjar, Dalvíkurbyggðar, Fjallabyggðar, Húnavatnshrepps, Húnaþings vestra, Skagabyggðar, Sveitarfélagsins Skagafjarðar og Sveitarfélagsins Skagastrandar gera með sér samning um þjónustu við fatlað fólk á starfssvæði Róta bs. málefni fatlaðs fólks á vestanverðu Norðurlandi.
Lagður fram þjónustusamningur sveitarfélaga um málefni fatlaðs fólks skv. 3.gr. samþykkta fyrir byggðasamlagið Rætur bs.
Byggðarráð samþykkir fyrirliggjandi samning fyrir sitt leyti og vísar honum til afgreiðslu sveitarstjórnar.

Samningurinn borinn upp undir atkvæði og samþykktur með átta atkvæðum, Gréta Sjöfn Guðmundsdóttir tók ekki þátt í afgreiðslu málsins.

Málinu vísað frá 656. fundi byggðarráðs 27. mars 2014 til samþykktar í sveitarstjórn.

Lögð fram tillaga um viðauka við fjárhagsáætlun 2014, fjárfestingalið eignasjóðs (31850), hækkun um 20.000.000 kr.
Á fjárhagsáætlun ársins 2014 var ekki gert ráð fyrir að ráðist yrði í frágang á bílastæði norðan við Árskóla. Ef nota á nýjan aðalinngang íþróttahúss er nauðsynlegt að ganga frá aðkomunni næst nýju álmu skólans, Þekjunni.
Sveitarstjórn samþykkir viðauka við fjárhagsáætlun 2014 vegna aðkomunnar að íþróttahúsi og nýju álmu skólans, Þekjunni, fjárfestingaliður eignasjóðs (31850) að upphæð 20.000.000 kr. sem fjármögnuð verði af eigin fé.

Viðauki við fjárhagsáætlun 2014 - Árskóli, lóð/bílastæði að norðanverðu borið undir atkvæði og samþykkt með níu atkvæðum.

Fundargerð 97. fundar umhverfis- og samgöngunefndar lögð fram til afgreiðslu á 313. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Enginn kvaddi sér hljóðs.

Fundargerð 96. fundar umhverfis- og samgöngunefndar lögð fram til afgreiðslu á 313. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Enginn kvaddi sér hljóðs.

Fundargerð 657. fundar byggðarráðs lögð fram til afgreiðslu á 313. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Viggó Jónsson og Jón Magnússon kvöddu sér hljóðs.

Fundargerð 206. fundar félags- og tómstundanefndar lögð fram til afgreiðslu á 313. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Sigurjón Þórðarson, Sigríður Svavarsdóttir, Bjarni Jónsson með leyfi varaforseta, Sigurjón Þórðarson og Viggó Jónsson kvöddu sér hljóðs.

Fundargerð 656. fundar byggðarráðs lögð fram til afgreiðslu á 313. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson, Stefán Vagn Stefánsson, Gréta Sjöfn Guðmundsdóttir, kvöddu sér hljóðs.

Fundargerð 6. fundar atvinnu- menningar og kynningarnefndar lögð fram til afgreiðslu á 313. fundi sveitarstjórnar eins og einstök erindi bera með sér. Viggó Jónsson kynnti fundargerð. Sigurjón Þórðason, Bjarni Jónsson með leyfi varaforseta, Viggó Jónsson, Sigurjón Þórðarson, Stefán Vagn Stefánsson kvöddu sér hljóðs.