Sveitarstjórn Sveitarfélagins Skagafjarðar

Fundargerð 274. fundar skipulags- og byggingarnefndar lögð fram til afgreiðslu á 328. fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.

Fundargerð 104. fundar fræðslunefndar lögð fram til afgreiðslu á 328. fundi sveitarstjórnar eins og einstök erindi bera með sér. Þórdís Friðbjörnsdóttir kynnti fundargerð. Bjarni Jónsson og Þórdís Friðbjörnsdóttir kvöddu sér hljóðs.

Fundargerð 828. fundar Sambands íslenskra sveitarfélaga frá 29. maí lögð fram til kynningar á 328. fundi sveitarstjórnar 24. júní 2015

Fundargerð skólanefndar Fjölbrautarskóla Norðurlands vestra, frá 9. júní 2015 lögð fram til kynningar á 3285. fundi sveitarstjórnar 24. júní 2015

Forseti bar upp eftirfarandi tillögu: "Undirritaður leggur til að byggðarráð fái heimild til fullnaðarafgreiðslu mála í sumarleyfi sveitarstjórnar samkvæmt III. kafla skv. 8. gr. samþykktar sveitarfélagsins. Sumarleyfið hefst 2. júlí 2015 og lýkur 7. ágúst 2015. Tillagan borin undir atkvæði og samþykkt samhljóða með níu greiddum atkvæðum.

Með vísan til 4. mgr. 55. gr. sveitarstjórnarlaga nr. 138/2011 heimilar sveitarstjórn sveitarstjóra að veita eftirtöldum starfsmönnum Sveitarfélagsins Skagafjarðar prókúruumboð:

Margeir Friðriksson, kt. 151060-3239, Dalatún 15, 550 Sauðárkrókur

Sveitarstjórn samþykkir að framangreindum aðila verði veitt prókúruumboð í samræmi við téð lagaákvæði. Umboðið nær til að undirrita skjöl varðandi kaup og sölu fasteigna sveitarfélagsins, lántökur og ábyrgðir svo og önnur skjöl sem fela í sér skuldbindingar eða ráðstafanir sem samþykki byggðarráðs og/eða sveitarstjórnar þarf til. Umboðin gilda meðan viðkomandi gegnir tilteknu starfi fyrir sveitarfélagið þó ekki lengur en til loka núverandi kjörtímabils sveitarstjórnar. Jafnframt eru eldri umboð úr gildi fallin.
Samþykkt með níu greiddum atkvæðum.

Erla Björk Örnólfsdóttir rektor Háskólans á Hólum sækir, fh Háskólans á Hólum, um framkvæmdaleyfi fyrir efnistöku vegna uppbyggingar á keppnis- og kennslusvæði hestafræðideildar Háskólans að Hólum. Meðfylgjandi yfirlitsmynd sýnir fyrirhugað efnistökusvæði.
Fyrirliggjandi eru umsagnir Veiðifélagsins Kolku, Veiðimálastofnunar og Fiskistofu.
Með vísan í 13 grein laga nr 123/2010 samþykkir sveitarstjórn umbeðið framkvæmdarleyfi.

Borið undir atkvæði og samþykkt með átta atkvæðum. Bjarni Jónsson óaskar bókað að hann taki ekki þátt í afgreiðslu málsins.

Erindi vísað frá 274. fundi skipulags- og byggingarnefndar 21. maí 2015

Erla Björk Örnólfsdóttir rektor Háskólans á Hólum sækir, fh Háskólans á Hólum, um framkvæmdaleyfi vegna uppbyggingar á keppnis- og kennslusvæði hestafræðideildar Háskólans að Hólum. Verkið verður unnið samkvæmt meðfylgjandi uppdráttum frá Stoð ehf. Verkfræðistofu, uppdrættir nr. S-101 t.o.m S-106 verknúmer 422601. Uppdrættir eru dagsettir 10. maí 2015. Verkið felst í aðalatriðum í fyllingum í áhorfendamanir, gerð kynbótavallar, gerð vegslóða og gönguleiða og gerð malarplana. Fyrir liggur umsögn Minjavarðar Norðurlands vestra dagsett 5. júní 2015. Skipulags- og byggingarnefnd leggur til við sveitarstjórn að framkvæmdaleyfi verði veitt.

Ofangreint framkvæmdaleyfi borið upp til afgreiðslu og samþykkt með níu atkvæðum.

Þannig bókað á 19. fundi atvinnu- menningar- og kynningarnefndar 8. júní 2015 og vísað til afgreiðslu sveitarstjórnar.

"Tekið fyrir erindi frá Sigríði Sigurðardóttir þar sem hún baðst lausnar sem fulltrúi Sveitarfélagsins Skagafjarðar í stjórn Söguseturs íslenska hestsins ses.
Samþykkt að leggja til að Gunnsteinn Björnsson taki sæti aðalmanns í stjórn setursins og Sólborg Una Pálsdóttir sæti varamanns."

Afgreiðsla atvinnu- menningar- og kynningarnefndar borin upp til afgreiðslu sveitarstjórnar og samþykkt með níu atkvæðum.

Vísað til afgreiðslu sveitarstjórnar, frá 699. fundi byggðarráðs þann 11. júní 2015.

Lögð voru fyrir fundinn drög að breyttri gjaldskrá Skagafjarðarveitna.
Í drögunum er gert ráð fyrir breytingum á heimæðargjöldum í þéttbýli og dreifbýli ásamt föstu gjaldi fyrir mælaleigu.
Einnig er sett inn í gjaldskrána afsláttarákvæði fyrir stórnotendur og sprota- og nýsköpunarfyrirtæki.

Bjarni Jónsson kvaddi sér hljóðs og leggur fram tillögu:
Tillaga að vísa gjaldskrá Skagafjarðarveitna ásamt svörum við fyrirspurn um notendur og sölu á heitu og köldu vatni til atvinnu-,menningar- og kynningarnefndar til umfjöllunar og umsagnar. Fá fram hugmyndir og tillögur nefndarinnar um hvernig nýta megi styrk Skagafjarðarveitna til að laða fram nýja starfsemi í héraðið og auðvelda og styðja við nýsköpunar -og frumkvöðlafyrirtæki. Því verði enn fremur beint til nefndarinnar að skoða frekari þrepaskiptingu afslátta miðað við vatnsnotkun og tímalengd þeirra hverju sinni og hvernig sé hægt með árangursríkum hætti að höfða sérstaklega til atvinnugreina eins og ferðaþjónustu, líftækni, ylræktar og fiskeldis.
Bjarni Jónsson, oddviti vinstri grænna og óháðra.
Gréta Sjöfn Guðmundsdóttir, oddviti Skagafjarðarlista.

Gísli Sigurðsson, Viggó Jónsson, Gréta Sjöfn Guðmundsdóttir, Stefán Vagn Stefánsson, Gréta Sjöfn Guðmundsdóttir, Bjarni Jónsson, Stefán Vagn Stefánsson, Viggó Jónsson og Bjarni Jónsson kvöddu sér hljóðs.
Tillagan borin undir atkvæði tveir greiddu aðkvæði með og sjö á móti. Tillagan felld.

Bjarni Jónsson, Gísli Sigurðsson, Bjarni Jónsson og Stefán Vagn Stefánsson kvöddu sér hljóðs.

Stefán Vagn Stefánsson leggur fram bókun:
Ein af megin áherslum þess meirihluta sem nú situr í Sveitarstjórn Sveitarfélagsins Skagafjarðar eru atvinnumál. Í því felst að gera Skagafjörð samkeppnishæfan við önnur sambærileg svæði og sveitarfélög með það að markmiði að laða að ný fyrirtæki sem hyggja á uppbyggingu í Skagafirði sem og að skjóta sterkari stoðum undir þau fyrirtæki sem fyrir eru á svæðinu.
Sú breyting á gjaldskrá sem hér um ræðir veitir m.a. 70% afslátt af heitu vatni til stórnotenda þar sem heitt vatn er notað sem beinn framleiðsluþáttur, afsláttur er veittur þegar ársnotkun er 100.000 rúmmetrar eða meira. Einnig er gert ráð fyrir að sprota- og nýsköpunarfyrirtæki geti fengið 70% afslátt af heitu vatni tímabundið án skilyrða um magn. Skilyrði er að um beinan framleiðsluþátt sé að ræða. Fyrirtæki með margar starfstöðvar og mismunandi starfsemi geta ekki safnað notkuninni saman og óskað eftir afslætti á heildarnotkun. Eins og staðan er í dag er eitt fyrirtæki sem nær umræddri notkun og er það Hólalax, fiskþurrkun FISK Seafood á Sauðárkróki mun væntanlega ná þessu magni. Væntingar liggja í þá átt að umræddur afsláttur verði til að laða hingað fyrirtæki sem vilja nýta heita vatnið okkar til verðmætasköpunar í héraði og fjölga þar með störfum.
Í nóvember 2013 fóru fulltrúar þáverandi atvinnumálanefndar Sveitarfélagsins Skagafjarðar til Húsavíkur til að skoða með hvað hætti Norðurþing kæmi til móts við atvinnulífið, sér í lagi í ljósi þeirra miklu uppbyggingaráforma sem fyrirhuguð eru á því svæði. Þar er veittur 75% afsláttur af heitu vatni til atvinnusköpunar og stórnotenda, má nefna að nú þegar er eitt fyrirtæki þar að njóta þeirra kjara. Einnig má nefna að garðyrkjubændur á suðurlandi fá 70% afslátt af heitu vatni, Hólalax í Skagafirði fær 83% afslátt, bleikjukynbótastöð Háskólans á Hólum 83%, endurhæfingarsundlaug Heilbrigðisstofnunar Norðurlands fær 90% afslátt og fleira mætti telja. Ef það er vilji Sveitarfélagsins Skagafjarðar að vera samkeppnisfært við önnur sveitarfélög er nauðsynlegt að fara í þær breytingar sem lagðar eru til.
Við þurfum að sækja fram fyrir Skagafjörð, efla atvinnu og fjölga atvinnutækifærum og er það okkar trú að þessi aðgerð sé liður í þá átt.
Stefán Vagn Stefánsson, Sigríður Magnúsdóttir, Bjarki Tryggvason, Viggó Jónsson, Þórdís Friðbjörnsdóttir, Sigríður Svavarsdóttir, Gísli Sigurðsson.

Sveitarstjórn Sveitarfélagsins Skagafjarðar samþykkir framlagðar breytingar að gjaldskrá Skagafjarðarveitna með sjö atkvæðum. Gréta Sjöfn Guðmundsdóttir og Bjarni Jónsson óska bókað að þau sitji hjá við atkvæðagreiðsluna og geri grein fyrir atkvæðum sínum og leggja fram eftirfarandi bókun:

Við undirrituð teljum að við gjaldskrárgerð og breytingar þurfi að fara betur yfir og horfa enn meira til þess hvernig nýta megi styrk Skagafjarðarveitna til að laða fram nýja starfsemi í héraðið og auðvelda og styðja við nýsköpunar -og frumkvöðlafyrirtæki. Ásamt því að skoðuð verði frekari þrepaskipting afslátta miðað við vatnsnotkun og tímalengd þeirra hverju sinni og hvernig sé hægt með árangursríkum hætti að höfða sérstaklega til atvinnugreina eins og ferðaþjónustu, líftækni, ylræktar og fiskeldis. Við getum því þess vegna ekki stutt þessa gjaldskrá.
Við mótmælum vinnubrögðum meirihlutans að hafna aðkomu atvinnu-,menningar og kynningarnefndar að gjaldskrágerðinni, sérstaklega þáttum er snúa að afsláttakjörum og hvernig nýta megi styrk Skagafjarðarveitna til að laða fram nýja starfsemi í héraðið og auðvelda og styðja við nýsköpunar- og frumkvöðlafyrirtæki. Mótmælum því einnig að undirritaðir sveitarstjórnarfulltúar hafi ekki haft kost á að rækja skyldur sínar með að taka upplýsta ákvörðun byggða á aðgangi að gögnum samkvæmt Samþykkt um stjórn og fundarsköp Sveitarfélagsins Skagafjarðar og hafi ekki haft aðgang að mikilvægum upplýsingum til að geta kynnt sér og tekið upplýsta ákvörðun um gjaldskrá fyrr en á þessum fundi. Vegna þessa sitjum við því hjá við afgreiðslu gjaldskrár.

Bjarni Jónsson, oddviti vinstri grænna og óháðra.
Gréta Sjöfn Guðmundsdóttir, oddviti Skagafjarðarlista.

Stefán Vagn Stefánsson kvaddi sér hljóðs og lagði fram svohljóðandi bókun:
Fulltrúar minnihluta hafa fulltrúa í öllum nefndum sveitarfélagsins og engum gögnum hefur verið haldið leyndum í þessu máli.

Gréta Sjöfn Guðmundsdóttir tók til máls.

Fyrirspurn til forseta sveitarstjórnar sveitarfélagsins Skagafjarðar, Sigríðar Svavarsdóttur og formanns veitunefndar, Gísla Sigurðssonar varðandi notendur og sölu á heitu og köldu vatni hjá Skagafjarðarveitum.

Undirrituð óska eftir að leggja fram þessa fyrirspurn og fá skrifleg svör við eftirfarandi spurningum á næsta fundi sveitarstjórnar 24. júní nk.

1. Varðandi notendur og sölu á heitu vatni, að sveitarfélaginu og stofnunum þess undanskyldu.

a) Hverjir eru 20 stærstu kaupendur/notendur á heitu vatni frá Skagafjarðarveitum og hvað keyptu þeir hver um sig mikið af heitu vatni árið 2014 í tonnum og krónum talið?

b) Liggja fyrir áætlanir um notkun þessara aðila á heitu vatni árið 2015 og hve mikið í tonnum talið, og í upphæðum miðað við núverandi gjaldskrá Hitaveitu?

c) Er áætlað að einhverjir notendur á heitu vatni fari yfir 100.000 tonn á árinu 2016?

d) Ef svo er hvaða fyrirtæki og hve mikið magn?

e) Hve mikið yrði þá greitt fyrir ofnangreinda vatnsnotkun miðað við drög að breyttri gjaldskrá frá 18. fundi veitunefndar 8. júní 2015?

2. Varðandi notendur og sölu á köldu vatni, að sveitarfélaginu og stofnunum þess undanskyldu.

a) Hverjir eru 20 stærstu kaupendur á köldu vatni frá Skagafjarðarveitum og hvað keyptu/nýttu þeir hver um sig mikið af köldu vatni árið 2014 í tonnum og krónum talið?

b) Liggja fyrir áætlanir um notkun þessara aðila á köldu vatni árið 2015 og hve mikið í tonnum talið, og í upphæðum miðað við núverandi gjaldskrá?

3. Varðandi notkun sveitarfélagsins sjálfs og stofnana þess á heitu vatni.

a) Hver var notkun sveitarfélagsins í heild árið 2014 í tonnum og krónum talið?

b) Hvaða 20 stofnanir keyptu mest og hve mikið af heitu vatni árið 2014 í tonnum og krónum talið?

c) Liggja fyrir áætlanir um notkun þessa stofnana á heitu vatni árið 2015 og hve mikið í tonnum talið, og í upphæðum miðað við núverandi gjaldskrá Hitaveitu?

d) Er áætlað að einhverjar stofnanir fari yfir 100.000 tonn á árinu 2015?

e) Ef svo er hvaða stofnanir og hve mikið magn?

f) Hve mikið yrði þá greitt fyrir ofangreinda vatnsnotkun miðað við drög að breyttri gjaldskrá frá 18. fundi veitunefndar 8. júní 2015?

4. Varðandi notkun sveitarfélagsins sjálfs og stofnana þess á köldu vatni.

a) Hver var notkun sveitarfélagsins í heild árið 2014 í tonnum og krónum talið?

b) Hvaða 20 stofnanir keyptu/nýttu mest og hve mikið af köldu vatni árið 2014 í tonnum og krónum talið?

c) Liggja fyrir áætlanir um notkun þessa stofnana á köldu vatni árið 2015 og hve mikið í tonnum talið, og í upphæðum miðað við núverandi gjaldskrá?

Virðingarfyllst
Bjarni Jónsson, oddviti Vinstri grænna og óháðra
Gréta Sjöfn Guðmundsdóttir, oddviti Skagafjarðarlista.

Gísli Sigurðsson formaður veitunefndar óskar bókað:
Vegna fyrirspurnar um notendur og sölu á heitu og köldu vatni, þá er gjaldskrá Skagafjarðarveitna gefin upp í rúmmetrum en ekki tonnum eins og fyrirspurnin hljóðaði, þar af leiðandi miðast svör við rúmmetra en ekki tonn.

Gísli Sigurðsson óskar bókað:
Hluti af umbeðum upplýsingum flokkast sem trúnaðarmál og bókast í trúnaðarbók.

Svar við fyrirspurn varðandi notendur á heitu og köldu vatni hjá Skagafjarðarveitum


Í meðfylgjandi yfirliti má finna svör við þeim spurningum sem lagðar voru fyrir varðandi notendur á heitu og köldu vatni hjá Skagafjarðarveitum árið 2014. Hér að neðan eru fyrirspurnirnar ásamt svörum þar sem vísað er í meðfylgjandi yfirlit þar sem við á.

1. Varðandi notendur og sölu á heitu vatni, að sveitarfélaginu og stofnunum þess undanskyldu.

a) Hverjir eru 20 stærstu kaupendur/notendur á heitu vatni frá Skagafjarðarveitum og hvað keyptu þeir hver um sig mikið af heitu vatni árið 2014 í tonnum og krónum talið?
Vísað er í yfirlit I og III sem færð eru í trúnaðarbók.
b) Liggja fyrir áætlanir um notkun þessara aðila á heitu vatni árið 2015 og hve mikið í tonnum talið, og í upphæðum miðað við núverandi gjaldskrá Hitaveitu?
Áætlanir Skagafjarðarveitna fyrir árið 2015 miðast við notkun árs 2014. Komi inn ný veitusvæði eða stórnotendur er tekið tillit til þess í fjárhagsáætlun.
c) Er áætlað að einhverjir notendur á heitu vatni fari yfir 100.000 tonn á árinu 2016?
Já
d) Ef svo er hvaða fyrirtæki og hve mikið magn?
Hólalax og líklegt er að fiskþurrkun við Skarðseyri fari yfir 100.000m3 á árinu 2016 sé miðað við upplýsingar frá rekstraraðila og notkun það sem af er ári 2015. Heildarmagn er óljóst.

e) Hve mikið yrði þá greitt fyrir ofangreinda vatnsnotkun miðað við drög að breyttri gjaldskrá frá 18. fundi veitunefndar 8. júní 2015?
Þar sem heildarmagn er óljóst er ekki hægt að áætla heildargreiðslur fyrir árið 2016. Samkvæmt drögum að gjaldskrá fengi notandinn 70% afslátt af heitu vatni ef umsókn þess efnis berst frá notanda.

2. Varðandi notendur og sölu á köldu vatni, að sveitarfélaginu og stofnunum þess undanskyldu.
Allir notendur á köldu vatni greiða vatnsgjald samkvæmt samþykktum sveitarstjórnar.
Auk þess er mæld notkun hjá stórnotendum (um 25 veitur) sem greiða ákveðið gjald pr. m3 umfram vatnsgjald.

a) Hverjir eru 20 stærstu kaupendur á köldu vatni frá Skagafjarðarveitum og hvað keyptu/nýttu þeir hver um sig mikið af köldu vatni árið 2014 í tonnum og krónum talið?
Vísað er í yfirlit II og IV sem færð eru í trúnaðarbók.

b) Liggja fyrir áætlanir um notkun þessara aðila á köldu vatni árið 2015 og hve mikið í tonnum talið, og í upphæðum miðað við núverandi gjaldskrá?
Áætlanir Skagafjarðarveitna fyrir árið 2015 miðast við notkun árs 2014. Komi inn ný veitusvæði eða stórnotendur er tekið tillit til þess í fjárhagsáætlun.

3. Varðandi notkun sveitarfélagsins sjálfs og stofnana þess á heitu vatni.

a) Hver var notkun sveitarfélagsins í heild árið 2014 í tonnum og krónum talið?
Mæld notkun var um 356.000m3.
Heildargreiðslur sveitarfélagsins til Skagafjarðarveitna eru 19.500.000 samkvæmt mældri notkun og hemlanotkun.
b) Hvaða 20 stofnanir keyptu mest og hve mikið af heitu vatni árið 2014 í tonnum og krónum talið?
Vísað er í yfirlit V sem fært er í trúnaðarbók.
c) Liggja fyrir áætlanir um notkun þessa stofnana á heitu vatni árið 2015 og hve mikið í tonnum talið, og í upphæðum miðað við núverandi gjaldskrá Hitaveitu?
Áætlanir Skagafjarðarveitna fyrir árið 2015 miðast við notkun árs 2014. Komi inn ný veitusvæði eða stórnotendur er tekið tillit til þess í fjárhagsáætlun.
d) Er áætlað að einhverjar stofnanir fari yfir 100.000 tonn á árinu 2015?
Nei
e) Ef svo er hvaða stofnanir og hve mikið magn?
Á ekki við.
f) Hve mikið yrði þá greitt fyrir ofangreinda vatnsnotkun miðað við drög að breyttri gjaldskrá frá 18. fundi veitunefndar 8. júní 2015?
Á ekki við.

4. Varðandi notkun sveitarfélagsins sjálfs og stofnana þess á köldu vatni.

a) Hver var notkun sveitarfélagsins í heild árið 2014 í tonnum og krónum talið?
Notkun var um 34.700m3 og heildargreiðslur um 663.000.
b) Hvaða 20 stofnanir keyptu/nýttu mest og hve mikið af köldu vatni árið 2014 í tonnum og krónum talið?
Vísað er í yfirlit VI sem fært er í trúnaðarbók.
c) Liggja fyrir áætlanir um notkun þessa stofnana á köldu vatni árið 2015 og hve mikið í tonnum talið, og í upphæðum miðað við núverandi gjaldskrá?
Áætlanir Skagafjarðarveitna fyrir árið 2015 miðast við notkun árs 2014. Komi inn ný veitusvæði eða stórnotendur er tekið tillit til þess í fjárhagsáætlun.


Gréta Sjöfn Guðmundsdóttir kvaddi sér hljóðs og leggur fram bókun:
Þökkum fyrir svör við fyrirspurn um notendur og sölu á heitu og köldu vatni. Svörin fela í sér mikilvægar upplýsingar til sveitarstjórnarfulltrúa svo að hægt sé að taka upplýsta ákvörðun um gjaldskrá Skagafjarðarveitna og þær grundvallarbreytingar sem verið er að leggja til s.s. nýtt afsláttarákvæði fyrir stórnotendur og mögulega sprota- og nýsköpunarfyrirtæki. Mikilvægt er að sveitarstjórnarfulltrúar geti kynnt sér gögn og upplýsingar og tekið ákvörðun á forsendum meðalhófs og jafnræðis. Fullnægjandi gögn um þær forsendur sem meirihlutinn grundvallar tillögur sínar á voru ekki lagðar fram í veitunefnd eða byggðaráði.

Bjarni Jónsson, oddviti vinstri grænna og óháðra.
Gréta Sjöfn Guðmundsdóttir, oddviti Skagafjarðarlista.

Gísli Sigurðsson kvaddi sér hljóðs.

Stefán Vagn Stefánsson leggur fram bókun:
Umrædd gjaldskrárbreyting hefur ítrekað verið rædd í Veitunefnd og engum gögnum verið haldið frá sveitarstjórnarfulltrúum né fulltrúum minnihluta í Veitunefnd. Mikil vinna og yfirlega liggur að baki þessarar niðurstöðu sem hér hefur verið lögð fram.

Þannig bókað á 679. fundi byggðarráðs þann 29. maí 2015 og vísað til afgreiðslu sveitarstjórnar.

"Lögð fram tillaga um viðauka nr. 6 við fjárhagsáætlun ársins 2015 vegna kjarasamningsbreytinga á launum tónlistarskólakennara á árinu 2014 sem ekki náðist að áætla fyrir á málaflokk 04-Fræðslu- og uppeldismál. Lagt er til að launaliður málaflokks 04510-Tónlistarskóli hækki um 8.610.000 kr. og launaliður á málaflokki 27-Óvenjulegir liðir lækki um sömu upphæð. Þessi breyting á áætluninni hefur engin áhrif á fjárhagsáætlun ársins í heild.
Byggðarráð samþykkir framlagðan viðauka."

Framlagður viðauki borinn upp til afgreiðslu og samþykktur með níu atkvæðum.

Fundargerð 18. fundar veitunefndar lögð fram til afgreiðslu á 328. fundi sveitarstjórnar eins og einstök erindi bera með sér. Gísli Sigurðsson kynnti fundargerð. Bjarni Jónsson og Gísli Sigurðsson kvöddu sér hljóðs.

Fundargerð 110. fundar umhverfis- og samgöngunefndar lögð fram til afgreiðslu á 328. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Bjarni Jónsson, Sigríður Magnúsdóttir, Bjarni Jónsson og Viggó Jónsson kvöddu sér hljóðs.

Fundargerð 698. fundar byggðarráðs lögð fram til afgreiðslu á 328. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.

Fundargerð 699. fundar byggðarráðs lögð fram til afgreiðslu á 328. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Gréta Sjöfn Guðmundsdóttir, Bjarni Jónsson, Stefán Vagn Stefánsson, Sigríður Svavarsdóttir og Viggó Jónsson tóku til máls.

Fundargerð 697. fundar byggðarráðs lögð fram til afgreiðslu á 328. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.

Fundargerð 103. fundar fræðslunefndar lögð fram til afgreiðslu á 328. fundi sveitarstjórnar eins og einstök erindi bera með sér. Þórdís Friðbjörnsdóttir kynnti fundargerð. Bjarni Jónsson og Þórdís Friðbjörnsdóttir kvöddu sér hljóðs.

Fundargerð 221. fundar félags- og tómstundanefndar lögð fram til afgreiðslu á 328. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Enginn kvaddi sér hljóðs.

Fundargerð 20. fundar atvinnu- menningar- og kynningarnefndar lögð fram til afgreiðslu á 328. fundi sveitarstjórnar eins og einstök erindi bera með sér. Viggó Jónsson kynnti fundargerð. Bjarni Jónson og Viggó Jónsson kvöddu sér hljóðs.

Fundargerð 696. fundar byggðarráðs lögð fram til afgreiðslu á 328. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.

Fundargerð 19. fundar atvinnu- menningar- og kynningarnefndar lögð fram til afgreiðslu á 328. fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.